എറണാകുളം: കിഴക്കമ്പലത്ത് സിപിഎം പ്രവര്‍ത്തകരുടെ മർദനത്തെ തുടർന്ന് മരണ മടഞ്ഞ ട്വന്‍റി 20 പ്രവർത്തകൻ സികെ ദീപുവിന്‍റെ പോസ്റ്റുമോർട്ടം കോട്ടയം മെഡിക്കൽ കോളജിൽ തുടങ്ങി. ഫോറൻസിക് സർജൻമാരായ ഡോ. ജെയിംസ് കുട്ടി, ഡോ. ജോമോൻ ജേക്കബ് എന്നിവരുടെ നേതൃതത്തിലാണ് പോസ്റ്റുമോര്‍ട്ടം. പരിശോധനയിൽ ദീപുവിന് കൊവിഡ് സ്ഥിരീകരിച്ചിരുന്നു.
ദീപുവിന്‍റെ കുടുംബാംഗങ്ങളുടെ ആവശ്യപ്രകാരമാണ് പോസ്റ്റുമോർട്ടം കോട്ടയം മെഡിക്കൽ കോളജിലേക്ക് മാറ്റിയത്. പോസ്റ്റുമോർട്ടം പൂർണമായും ക്യാമറയിൽ ചിത്രീകരിക്കും. പോസ്റ്റുമോർട്ടത്തിന് ശേഷം മൃതദേഹം മൂന്നുമണിയോടെ കിഴക്കമ്പലത്തെ ട്വൻറി 20 നഗറിൽ പൊതുദർശനത്തിനു വയ്ക്കും.
വൈകിട്ടാണ് സംസ്കാരം. കഴിഞ്ഞ ശനിയാഴ്‌ച വൈകിട്ട് സിപിഎം പ്രവർത്തകരുമായി ഉണ്ടായ സംഘർഷത്തിനിടയിലാണ് ദീപുവിന് മർദനമേറ്റത്. ഇന്നലെ ഉച്ചയോടെ ആശുപത്രിയിൽ വച്ച് ദീപു മരണമടഞ്ഞു. സംഭവത്തിൽ നാല് സിപിഎം പ്രവർത്തകരെ പൊലീസ് അറസ്റ്റ് ചെയ്തിരുന്നു.
ALSO READ 'പിവി ശ്രീനിജിൻ ഒന്നാം പ്രതി', സി.പി.എമ്മിനെതിരെ ഗുരുതര ആരോപണവുമായി സാബു എം ജേക്കബ്
