എറണാകുളം : വ്ളോഗര് ശ്രീകാന്ത് വെട്ടിയാർക്കെതിരായ ലൈംഗിക പീഡന പരാതിയിൽ പൊലീസ് കേസെടുത്തു. കൊല്ലം സ്വദേശിനിയായ യുവതി നൽകിയ പരാതിയില്‍ എറണാകുളം സെൻട്രൽ പൊലീസാണ് എഫ്ഐആര്‍ ഇട്ടത്. കൊച്ചിയിലെ ഹോട്ടലിലും, ആലുവയിലെ ഫ്ലാറ്റിലും എത്തിച്ച് പീഡിപ്പിച്ചുവെന്നാണ് പരാതി.
വിവാഹ വാഗ്ദാനം നൽകി പീഡിപ്പിച്ചുവെന്ന് യുവതി പറയുന്നു. വ്ളോഗര് ശ്രീകാന്ത് വെട്ടിയാർ ലൈംഗികമായി പീഡിപ്പിച്ചുവെന്ന് പരാതിക്കാരി ദിവസങ്ങൾക്ക് മുമ്പ് സമൂഹ മാധ്യമങ്ങളിലൂടെ വെളിപ്പെടുത്തിയിരുന്നു. എന്നാൽ ശ്രീകാന്ത് വെട്ടിയാർക്കെതിരെ യുവതി പൊലീസിൽ പരാതി നൽകാത്തത് എന്ത് കൊണ്ടെന്ന സംശയം പലരും ഉന്നയിച്ചു.
Also Read: ജാമ്യത്തിലിറക്കിയതിന് മകന്‍റെ ക്രൂരമർദനം ; വീട് വിട്ടിറങ്ങിയ വൃദ്ധദമ്പതികളെ ഏറ്റെടുത്ത് ശാന്തിതീരം
ഇതിനിടെയാണ് യുവതി പരാതിയുമായി എറണാകുളം സെൻട്രൽ സ്റ്റേഷനിൽ നേരിട്ടെത്തിയത്. പീഡന പരാതിയിൽ വിശദമായ അന്വേഷണം നടത്താനാണ് പൊലീസിന്‍റെ തീരുമാനം. യുവതിയുടെ പരാതിയിൽ പ്രതിയെ ഉടൻ കസ്റ്റഡിയിലെടുത്ത് ചോദ്യം ചെയ്യും.
