എറണാകുളം: കൊച്ചി-ധനുഷ്‌ക്കോടി ദേശീയപാതയുടെ ഭാഗമായുള്ള കോതമംഗലം നഗരത്തിലെ കോഴിപ്പിള്ളി പാർക്ക് ജങ്ഷനിലെ പാലം തകർന്നിട്ട് നാളുകളായി. നിരവധി സ്‌കൂളുകളും പൊതുമേഖലാ സ്ഥാപനങ്ങളും മുനിസിപ്പൽ പാർക്കും സ്ഥിതി ചെയ്യുന്ന സ്ഥലത്തേക്ക് നൂറ് കണക്കിന് വഴിയാത്രക്കാർ ഈ പാലത്തിലൂടെയാണ് സഞ്ചരിക്കുന്നത്. ഹൈറേഞ്ച് ഭാഗത്തേക്ക് നിരവധി ടൂറിസ്റ്റുകൾ കടന്ന് പോകുന്ന പ്രധാന പാതയോരത്തെ പാലത്തിന്‍റെ കൈവരികൾ തകർന്നടിഞ്ഞിട്ടും അധികാരികൾക്ക് യാതൊരു കുലുക്കവും ഇല്ലാത്ത അവസ്ഥയാണ്. കോടികൾ മുടക്കിയാണ് ദേശീയപാതയുടെ നവീകരണ പ്രവർത്തനങ്ങൾ നടന്നത്.
യാത്രക്കാരുടെ ജീവൻ അപകടത്തിലെന്ന് പൊതുപ്രവർത്തകൻ
