വാട്ടർ അതോറിറ്റിയെ പഴിചാരി കൊച്ചി മേയർ

നഗരത്തിലെ പ്രധാന ഇടറോഡുകൾ മാസങ്ങളായി തകർന്നു കിടക്കുന്നു

എറണാകുളം: കൊച്ചിയിലെ റോഡുകളുടെ പരിതാപകരമായ അവസ്ഥ നിരന്തരമായി മാധ്യമങ്ങളുടെ വാർത്തയാവുന്ന സാഹചര്യത്തിലാണ് വിശദീകരണവുമായി മേയർ സൗമിനി ജെയിൻ രംഗത്തെത്തിയത്. റോഡുകളുടെ ശോച്യാവസ്ഥക്ക് കാരണം വാട്ടർ അതോറിറ്റിയാണെന്നും ജലവിതരണ പൈപ്പ് ലൈൻ പദ്ധതികൾക്ക് വേണ്ടി റോഡിൽ കുഴികളെടുക്കുന്നതാണ് റോഡുകളുടെ തകർച്ചക്ക് കാരണമാകുന്നതെന്നും മേയർ പറഞ്ഞു. ഓണക്കാലം അടുത്തുവന്ന സാഹചര്യത്തിൽ എത്രയും പെട്ടന്ന് റോഡുകൾ ടാർ ചെയ്ത് ഗതാഗതയോഗ്യമാക്കുന്നതിനാണ് ശ്രമിക്കുന്നത്. നഗരത്തിലെ പ്രധാന ഇടറോഡുകൾ മാസങ്ങളായി തകർന്നു കിടക്കുന്നതിനെതിരെ ജനങ്ങളുടെ പ്രതിഷേധം ശക്തമാണ്.