എറണാകുളം: കോതമംഗലം-നെല്ലിക്കുഴി ഗ്രാമപഞ്ചായത്തിന്റെയും കൃഷിഭവന്റെയും ആഭിമുഖ്യത്തിൽ ആത്മ-കിസാൻ ഗോഷ്ടിയും കാർഷിക മേളയും സംഘടിപ്പിച്ചു. നെല്ലിക്കുഴി കെടിഎല് ഓഡിറ്റോറിയത്തിൽ നടന്ന ചടങ്ങ് കോതമംഗലം എംഎല്എ ആന്റണി ജോൺ ഉദ്ഘാടനം ചെയ്തു. കാർഷിക രംഗത്തെ സമഗ്ര വികസനത്തിന് സംസ്ഥാന സർക്കാർ നടപ്പാക്കി വരുന്ന പദ്ധതികൾക്ക് ഊർജം പകരാൻ ഇതുപോലുളള കാർഷിക മേളകൾക്ക് കഴിയുമെന്ന് ആന്റണി ജോൺ പറഞ്ഞു. മികച്ച കർഷകരെ ചടങ്ങിൽ ആദരിച്ചു.
കാർഷിക മേളയിൽ വിവിധ നഴ്സറികളുടെ തെങ്ങിൻ തൈകൾ, ഫല വൃക്ഷ തൈകൾ, പൂച്ചെടികൾ, പച്ചക്കറി തൈകൾ, വിത്തുകൾ, മിനി ട്രാക്ടർ, പമ്പ് സെറ്റ്, കാർഷികയന്ത്രങ്ങൾ, ആത്മ-കുടുംബശീ ഗ്രൂപ്പുകളുടെ ജാം, വൈൻ, തേൻ, തേൻ ഉത്പന്നങ്ങൾ തുടങ്ങിയവയുടെ പ്രദർശനവും വിപണനവുമുണ്ടായിരുന്നു.