എറണാകുളം: നടി കാവ്യ മാധവന്‍റെ ഉടമസ്ഥതയിലുള്ള കൊച്ചിയിലെ വസ്ത്രവ്യാപാര സ്ഥാപനമായ ലക്ഷ്യയിൽ തീപിടിത്തം. പുലർച്ചെ (09.03.2022) മൂന്ന്‌ മണിയോടെയാണ് തീപിടിത്തമുണ്ടായത്. രണ്ട് യൂണിറ്റ് ഫയർഫോഴ്‌സ് എത്തി തീയണച്ചു.
ഷോർട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. തുണികളും തയ്യൽ മെഷീനുകളും കത്തി നശിച്ചു. ലക്ഷങ്ങളുടെ നാശനഷ്ടമാണ് സംഭവിച്ചത്. നേരത്തെ നടിയെ ആക്രമിച്ച കേസുമായി ബന്ധപ്പെട്ട് വാർത്തകളിൽ ഇടം പിടിച്ച സ്ഥാപനമായിരുന്നു ലക്ഷ്യ ബൊട്ടിക്.
ALSO READ:നടിയെ ആക്രമിച്ച കേസ്: ദിലീപിന് തിരിച്ചടി, തുടരന്വേഷണവുമായി മുന്നോട്ട് പോകാമെന്ന് ഹൈക്കോടതി
