എറണാകുളം: വഞ്ചനക്കേസിലെ എഫ്ഐആർ റദ്ദാക്കണമെന്നാവശ്യപ്പെട്ട് നടിയും മോഡലുമായ സണ്ണി ലിയോൺ ഹൈക്കോടതിയെ സമീപിച്ചു. സ്റ്റേജ് ഷോയുമായി ബന്ധപ്പെട്ട പണമിടപാടിൽ സണ്ണി ലിയോൺ കരാർ പാലിച്ചില്ലെന്നാണ് കേസ്. 2019 ലാണ് എറണാകുളം ക്രൈം ബ്രാഞ്ച് എഫ്ഐആർ രജിസ്റ്റർ ചെയ്‌തത്.
കേസ് നിലനിൽക്കുന്നതല്ല എന്നാണ് ഹർജിയിലെ വാദം. കേരളത്തിലും വിദേശത്തുമുള്ള സ്റ്റേജ് ഷോകളിൽ അഭിനയിക്കുന്നതിന് കരാർ ഉണ്ടാക്കി 39 ലക്ഷം രൂപ കൈപ്പറ്റിയെന്നാണ് സണ്ണി ലിയോണിനെതിരായ ആരോപണം. ഷോകളിൽ പങ്കെടുക്കാതെയും പണം തിരികെ നൽകാതെയും സണ്ണി ലിയോണും മറ്റുള്ളവരും കരാർ ലംഘനം നടത്തിയെന്ന പരാതിയിന്മേലാണ് കേസെടുത്തിട്ടുള്ളത്.
