ആലപ്പുഴ: ഉപതെരഞ്ഞെടുപ്പ് നടന്ന അരൂർ നിയമസഭാ മണ്ഡലത്തിൽ ഉജ്ജ്വല വിജയം നേടുമെന്ന് അരൂരിലെ യുഡിഎഫ് സ്ഥാനാർത്ഥി അഡ്വ. ഷാനിമോൾ ഉസ്മാന്. ലോക്സഭാ തെരഞ്ഞെടുപ്പിൽ നേടിയതിനേക്കാൾ മികച്ച ഭൂരിപക്ഷത്തിലായിരിക്കും തൻ്റെ വിജയം. ജനാധിപത്യത്തിലെ ഏറ്റവും വലിയ അവകാശം വോട്ടവകാശ വിനിയോഗമാണെന്ന തിരിച്ചറിവിൽ പ്രതികൂല സാഹചര്യത്തിലും വോട്ട് ചെയ്യാനെത്തിയ അരൂരിലെ ജനങ്ങളെ അഭിവാദ്യം ചെയ്യുന്നതായും ഷാനിമോൾ പറഞ്ഞു.
അരൂരിൽ ഉജ്ജ്വല വിജയം നേടും: ഷാനിമോൾ ഉസ്മാന്
പരമാവധി വോട്ടർമാരെ നേരിൽ കാണാൻ ശ്രമിച്ചിട്ടുണ്ട്. യുഡിഎഫ് ഒറ്റക്കെട്ടായി തന്നെയാണ് തെരഞ്ഞെടുപ്പിനെ നേരിട്ടത്. ബൂത്ത്തലം വരെ പ്രവർത്തനം ഏകോപിപ്പിക്കുന്നതിൽ മുന്നണി നൂറ് ശതമാനം വിജയിച്ചു. ചിട്ടയായ സംഘടനാ പ്രവർത്തനവും ഏകോപനവും യുഡിഎഫിൽ ഉണ്ടായിരുന്നെന്നും ഷാനിമോള്‍ ഉസ്മാന് പറഞ്ഞു.
