ആലപ്പുഴ: തുറവൂര്‍ ക്ഷേത്രത്തിലെ വെടിപ്പുരയിലുണ്ടായ തീപിടിത്തത്തെ തുടര്‍ന്ന് പൊള്ളലേറ്റ യുവാവ് മരിച്ചു. തുറവൂർ മന്നത്ത് മഠം സുരേഷ് കുമാർ (38) ആണ് മരിച്ചത്. എറണാകുളം മെഡിക്കല്‍ സെന്‍റര്‍ ആശുപത്രിയില്‍ ചികിത്സയില്‍ കഴിയുന്നതിനിടെയാണ് മരണം സംഭവിച്ചത്.
ഏപ്രിൽ 30നാണ് തുറവൂർ മഹാക്ഷേത്രത്തിലെ വെടിപ്പുരയിൽ തീപിടിത്തമുണ്ടായത്. കതിന നിറച്ച് തീകൊളുത്തുന്നതിനിടെ വെടിപ്പുരയിലേയ്ക്ക് തീപ്പൊരി വീഴുകയായിരുന്നു. അപകടത്തില്‍ പൊള്ളലേറ്റ സുരേഷ് കുമാറിനെ എറണാകുളം മെഡിക്കൽ സെന്‍റര്‍ ആശുപത്രിയിൽ പ്രവേശിപ്പിച്ചിരുന്നു.
