ആലപ്പുഴ: വാഹനാപകടങ്ങളില്‍ അഞ്ച് മരണം. തുറവൂർ പുത്തൻചന്തയിൽ ഇരുചക്രവാഹനവും കെഎസ്ആർടിസി ബസും കൂട്ടിയിടിച്ച് മധുര സ്വദേശി അജിത്ത് കുമാർ (25) മരിച്ചു. രാവിലെ എട്ട് മണിക്കാണ് അപകടമുണ്ടായത്. ബംഗളൂരുവിൽ നിയമ വിദ്യാർത്ഥിയാണ് അജിത് കുമാർ. മുഹമ്മ സിഎംഎസ് സ്കൂളിന് സമീപം അ‍ജ്ഞാത വാഹനം ഇരുചക്ര വാഹനത്തില്‍ ഇടിച്ച് യാത്രികൻ മരിച്ചു. പുത്തനങ്ങാടി സ്വദേശി റിൻസാണ് മരിച്ചത്. ഒപ്പമുണ്ടായിരുന്ന സുഹൃത്തിനെ വണ്ടാനം മെഡിക്കൽ കോളജാശുപത്രിയിൽ പ്രവേശിപ്പിച്ചു. പുലർച്ച മൂന്ന് മണിക്കായിരുന്നു അപകടം.
എടത്വയിൽ റോഡ് മുറിച്ച് കടക്കുന്നതിനിടെ വീട്ടമ്മ കാറിടിച്ച് മരിച്ചു. പച്ച സ്വദേശിനി സിസിലിക്കുട്ടി ജോസഫാണ് (67) മരിച്ചത്. രാവിലെ ആറ് മണിയോടെയാണ് അപകടമുണ്ടായത്. ആലപ്പുഴ ഹരിപ്പാടിനടുത്ത് കെഎസ്ആർടിസി ബസ്സും കാറും കൂട്ടിയിടിച്ച് രണ്ടുപേർ മരിച്ചു. ഒരാള്‍ക്ക് ഗുരുതരമായി പരിക്കേറ്റിട്ടുണ്ട്. ചേപ്പാട് ഏവൂർ ജങ്ഷനിലാണ് അപകടം നടന്നത്.
