ആലപ്പുഴ: ജലനിരപ്പ് ഉയർന്ന സാഹചര്യത്തിൽ കുട്ടനാട്, അപ്പർ കുട്ടനാട് മേഖലകളിൽ കെഎസ്ആർടിസി സർവീസുകൾ താൽകാലിമായി നിർത്തി. ആലപ്പുഴ - അമ്പലപ്പുഴ - തിരുവല്ല റോഡിൽ നെടുമ്പ്രത്ത് ക്രമാതീതമായി വെള്ളം ഉയർന്നതിനാലാണ് ഇതു വഴിയുള്ള കെ എസ് ആര്‍ ടി സി സർവീസുകൾ രാവിലെ മുതൽ നിർത്തിവച്ചത്. എടത്വാ ഭാഗത്ത് നിന്നുമുള്ള ബസുകൾ ചക്കുളത്തുകാവ് ജങ്ഷൻ വരെ സർവീസ് നടത്തും. എടത്വാ - ഹരിപ്പാട് റൂട്ടിൽ വെള്ളം കയറിയതിനാൽ ഹരിപ്പാട് റൂട്ടിലൂടെയുള്ള സർവീസുകൾ ഇന്ന് (5-08-2022) രാവിലെ മുതൽ നിർത്തിവച്ചു.
ഹരിപ്പാട് കെഎസ്ആര്‍ടിസി ഡിപ്പോയില്‍ നിന്നും വീയപുരം വരെ സര്‍വീസ് നടത്തുന്നുണ്ട്.
നെടുമ്പ്രത്ത് റോഡിലെ വെള്ളകെട്ട്
