ആലപ്പുഴ: ചേർത്തലയിൽ അയ്യായിരത്തോളം ഹാൻസ് പായ്ക്കറ്റുകള്‍ പിടിച്ചെടുത്തു. ചേർത്തല മരുത്തോർവട്ടം ടാഗോർ സ്കൂളിന് സമീപത്തുള്ള വീട്ടിൽ നിന്നുമാണ് മാരാരിക്കുളം പൊലീസ് മൂന്ന് ചാക്ക് ഹാൻസ് പിടിച്ചെടുത്തത്. വീട്ടുടമസ്ഥനായ കാർത്തികേയനെ അറസ്റ്റു ചെയ്തു. വീടിനോട് ചേർന്നുള്ള ഷെഡിലാണ് ചാക്കുകളിലായി ഹാൻസ് സൂക്ഷിച്ചിരുന്നത്. ഹാൻസ് വിൽക്കുന്നുവെന്ന രഹസ്യ വിവരത്തെ തുടർന്ന് മാരാരിക്കുളം സിഐയുടെ നേതൃത്വത്തിലെത്തിയ പൊലീസ് സംഘമാണ് റെയ്ഡ് നടത്തി പുകയില ഉൽപ്പന്നങ്ങൾ പിടിച്ചെടുത്തത്.
ചേർത്തലയിൽ ഹാൻസ് വേട്ട; അയ്യായിരത്തോളം ഹാൻസ് പായ്ക്കറ്റ് പിടിച്ചെടുത്തു
