ആലപ്പുഴയിൽ 365 പേർക്ക് കൂടി കൊവിഡ്

രണ്ട് മാധ്യമപ്രവർത്തകർക്കും രോഗം ബാധിച്ചു. 338 പേർക്ക് സമ്പർക്കത്തിലൂടെയാണ് രോഗബാധ

ആലപ്പുഴ: ജില്ലയില്‍ 365 പേർക്ക് കൂടി കൊവിഡ് സ്ഥിരീകരിച്ചു. 338 പേർക്ക് സമ്പർക്കത്തിലൂടെയാണ് രോഗം ബാധിച്ചത്. ഇവരിൽ 27 പേരുടെ സമ്പർക്ക ഉറവിടം വ്യക്തമല്ല. ഇന്ന് രോഗം സ്ഥിരീകരിച്ചവരിൽ രണ്ടുപേർ മാധ്യമ പ്രവർത്തകരാണ്.

ഇരുവരുമായി സമ്പർക്കം പുലർത്തിയ നിരവധി പേരോട് നിരീക്ഷണത്തിൽ കഴിയാൻ ആരോഗ്യവകുപ്പ് നിർദേശിച്ചു. 551 പേരുടെ പരിശോധനാഫലം നെഗറ്റീവായി. ഇതോടെ ജില്ലയിൽ ആകെ 44670 പേർ രോഗമുക്തരായി. വിവിധ ആശുപത്രികളിലായി 4437 പേർ ചികിത്സയിൽ തുടരുന്നു.