ആലപ്പുഴ : സി.പി.എമ്മിന്‍റെ വിദ്യാർഥി സംഘടനയായ എസ്.എഫ്.ഐക്കെതിരെ രൂക്ഷവിമർശനവുമായി എ.ഐ.എസ്.എഫ് സംസ്ഥാന സമ്മേളന പ്രവർത്തന റിപ്പോർട്ട്. സംസ്ഥാന സെക്രട്ടറി ജെ അരുൺബാബു അവതരിപ്പിച്ച പ്രവർത്തന റിപ്പോർട്ടിലാണ് എസ്.എഫ്.ഐക്കെതിരെ കടുത്ത പരാമര്‍ശങ്ങളുള്ളത്. എസ്.എഫ്.ഐ ഫാസിസ്റ്റുകളെ പോലെയാണ് പെരുമാറുന്നതെന്ന് റിപ്പോര്‍ട്ട് കുറ്റപ്പെടുത്തുന്നു.
'എസ്.എഫ്.ഐ പെരുമാറുന്നത് ഫാസിസ്റ്റുകളെ പോലെ' : എ.ഐ.എസ്.എഫ് പ്രവര്‍ത്തന റിപ്പോര്‍ട്ട്
ക്യാമ്പസുകളിൽ ജനാധിപത്യം കശാപ്പ് ചെയ്യുന്ന നിലയിലാണ് എസ്എഫ്ഐ പെരുമാറുന്നത്. വിദ്യാർഥികളെ ഭീഷണിപ്പെടുത്തിയും ഭയപ്പെടുത്തിയുമാണ് അവര്‍ ക്യാമ്പസുകളിൽ ആധിപത്യം സ്ഥാപിക്കുന്നതെന്നും പ്രവർത്തന റിപ്പോർട്ടിൽ പരാമർശിക്കുന്നു. ഇടതുപക്ഷ ഐക്യം തകർക്കുന്ന നിലയിലാണ് എസ്.എഫ്.ഐ പ്രവർത്തിക്കുന്നത്. ക്യാമ്പസുകളിൽ അവരുടെ തേർവാഴ്ചയാണ് നിലനിൽക്കുന്നത്.
