ബേസല്‍ (സ്വിറ്റ്‌സര്‍ലന്‍ഡ്) : സ്വിസ് ഓപ്പൺ ബാഡ്‌മിന്‍റണ്‍ ടൂര്‍ണമെന്‍റില്‍ ആദ്യ റൗണ്ട് മത്സരത്തില്‍ ഇന്ത്യൻ വനിത ഡബിൾസ് ജോഡി ട്രീസ ജോളി-ഗായത്രി ഗോപിചന്ദ് സഖ്യത്തിന് നിരാശ. തായ്‌ലൻഡിന്‍റെ ജോങ്‌കോൾഫാൻ-രവിന്ദ പ്രജോങ്‌ജയ് സഖ്യത്തോടാണ് ഇന്ത്യന്‍ താരങ്ങള്‍ തോല്‍വി വഴങ്ങിയത്.
41 മിനിറ്റ് നീണ്ടുനിന്ന മത്സരത്തിൽ നേരിട്ടുള്ള സെറ്റുകള്‍ക്കാണ് തായ്‌ലൻഡ് താരങ്ങള്‍ ജയം പിടിച്ചത്. സ്‌കോര്‍: 21-10, 21-17. ബേസലിലെ സെന്‍റ് ജേക്കബ്ഷാലെയിൽ കോർട്ട് ഒന്നിലാണ് മത്സരം നടന്നത്.
നേരത്തെ മിക്‌സഡ് ഡബിൾസിൽ അശ്വിനി പൊന്നപ്പ-സുമീത് റെഡ്ഡി സഖ്യവും തോല്‍വി വഴങ്ങിയിരുന്നു. അഞ്ചാം സീഡായ ഫ്രാൻസിന്‍റെ തോം ജിക്വൽ-ഡെൽഫിൻ ഡെൽറൂ ജോഡിയാണ് ഇന്ത്യന്‍ താരങ്ങളെ കീഴടക്കിയത്. 33 മിനിറ്റ് നീണ്ടുനിന്ന മത്സരത്തിൽ നേരിട്ടുള്ള സെറ്റുകൾക്കാണ് ഫ്രാന്‍സ് താരങ്ങള്‍ ജയിച്ച് കയറിയത്. സ്‌കോര്‍: 13-21, 9-2.
