ദോഹ : ഖത്തര്‍ ലോകകപ്പിന്‍റെ പ്രീ ക്വാര്‍ട്ടറില്‍ ഒന്നിനെതിരെ രണ്ട് ഗോളുകള്‍ക്കാണ് അര്‍ജന്‍റീന വിജയിച്ചത്. കളം നിറഞ്ഞ് കളിച്ച നായകന്‍ ലയണല്‍ മെസിയുടെ പ്രകടനമാണ് ലാറ്റിനമേരിക്കാന്‍ ചാമ്പ്യന്മാരുടെ വിജയത്തില്‍ നിര്‍ണായകമായത്. ഓസ്‌ട്രേലിയയ്‌ക്ക് എതിരെ അര്‍ജന്‍റീനയുടെ ഗോള്‍ പട്ടിക തുറന്നതും മെസിയാണ്.
കരിയറില്‍ തന്‍റെ ആയിരാമത്തെ മത്സരം കളിക്കാനിറങ്ങിയ താരം ഓസീസിന്‍റെ പ്രതിരോധക്കോട്ടയുടെ മാറ് പിളര്‍ന്നാണ് ലക്ഷ്യത്തിലേക്ക് നിറയൊഴിച്ചത്. ഈ സമയം ഗാലറിയിലുണ്ടായിരുന്ന മെസിയുടെ കുടുംബം തുള്ളിച്ചാടുന്ന ദൃശ്യങ്ങള്‍ ശ്രദ്ധേയമായിരുന്നു. ഭാര്യ അന്‍റോണെല റൊക്കുസോ, മക്കളായ തിയാഗോ, മാറ്റിയോ, സിറോ എന്നിവര്‍ സന്തോഷത്താല്‍ മതി മറന്നതായിരുന്നു ദൃശ്യം.
-
ردة فعل الأسطورة ميسي على أحتفال عائلته بهدفه أمام أستراليا 😍💙@GoldMessi10 pic.twitter.com/LazePuZz4p
— MESSI CHANNEL (@MessiLg10) December 3, 2022 " class="align-text-top noRightClick twitterSection" data="
">ردة فعل الأسطورة ميسي على أحتفال عائلته بهدفه أمام أستراليا 😍💙@GoldMessi10 pic.twitter.com/LazePuZz4p
— MESSI CHANNEL (@MessiLg10) December 3, 2022ردة فعل الأسطورة ميسي على أحتفال عائلته بهدفه أمام أستراليا 😍💙@GoldMessi10 pic.twitter.com/LazePuZz4p
— MESSI CHANNEL (@MessiLg10) December 3, 2022
മത്സരശേഷം ഒരു മാധ്യമ പ്രവര്‍ത്തകന്‍ ഈ കാഴ്‌ച മെസിക്ക് കാണിച്ച് കൊടുത്തതിന് ശേഷമുള്ള അദ്ദേഹത്തിന്‍റെ പ്രതികരണമാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. മാധ്യമ പ്രവര്‍ത്തകന്‍ തന്‍റെ ഫോണിലൂടെയാണ് കുടുംബത്തിന്‍റെ ആഘോഷത്തിന്‍റെ നിമിഷങ്ങള്‍ മെസിയെ കാണിച്ചത്. ഇതില്‍ നിന്നും കണ്ണെടുക്കാതിരുന്ന മെസി ഹൃദ്യമായി ചിരിക്കുന്നതാണ് വീഡിയോ.
Also read: റഹീം സ്റ്റെർലിങ് നാട്ടിലേക്ക്; വീട് ആക്രമിക്കപ്പെട്ടതായി റിപ്പോര്‍ട്ട്
ലോകകപ്പില്‍ തന്‍റെ ഒമ്പതാമത്തെയും നോക്കൗട്ട് ഘട്ടത്തില്‍ ആദ്യത്തേയും ഗോളാണ് മെസി ഓസീസിനെതിരെ നേടിയത്. അതേസമയം ലോകകപ്പ് ക്വാര്‍ട്ടര്‍ ഫൈനലില്‍ നെതര്‍ലന്‍ഡ്‌സാണ് അര്‍ജന്‍റീനയുടെ എതിരാളി. ഡിസംബര്‍ 10ന് രാത്രി 12.30ന് ലുസൈല്‍ സ്റ്റേഡിയത്തിലാണ് മത്സരം.
