പാരീസ്: യൂറോപ്യന്‍ ചാമ്പ്യന്‍മാരെ അറിയാനുള്ള പോരാട്ടത്തില്‍ ബാഴ്‌സലോണയെ രക്ഷിക്കാന്‍ മെസിക്കുമായില്ല. ഇന്ന് പുലര്‍ച്ചെ നടന്ന മത്സരത്തില്‍ പിഎസ്‌ജിയോട് സമനില വഴങ്ങിയ ബാഴ്‌സലോണ ചാമ്പ്യന്‍സ് ലീഗിന്‍റെ ക്വാര്‍ട്ടര്‍ ഫൈനല്‍ കാണാതെ പുറത്തായി. പിഎസ്‌ജിക്കെതിരെ വലിയ മാര്‍ജിനില്‍ ജയിച്ചാലെ ബാഴ്‌സലോണക്ക് ക്വാര്‍ട്ടറിലേക്ക് കടക്കാനാകുമായിരുന്നുള്ളൂ. ഈ സാഹചര്യത്തില്‍ പൊച്ചെറ്റിന്യോയുടെ ഗോള്‍ മുഖത്തേക്ക് നിരന്തരം ആക്രമണങ്ങളാണ് റൊണാള്‍ഡ് കോമാന്‍റെ ശിഷ്യന്‍മാര്‍ നടത്തിയത്.
-
✅ Dortmund ✅ Porto ✅ Liverpool ✅ Paris
— UEFA Champions League (@ChampionsLeague) March 10, 2021 " class="align-text-top noRightClick twitterSection" data="
🧐 Who will join them in the quarter-finals?
Complete the set 👇#UCL pic.twitter.com/3wXrntsGlE
">✅ Dortmund ✅ Porto ✅ Liverpool ✅ Paris
— UEFA Champions League (@ChampionsLeague) March 10, 2021
🧐 Who will join them in the quarter-finals?
Complete the set 👇#UCL pic.twitter.com/3wXrntsGlE✅ Dortmund ✅ Porto ✅ Liverpool ✅ Paris
— UEFA Champions League (@ChampionsLeague) March 10, 2021
🧐 Who will join them in the quarter-finals?
Complete the set 👇#UCL pic.twitter.com/3wXrntsGlE
ഇരു പകുതികളിലുമായി 10 തവണ ലക്ഷ്യത്തിലേക്ക് ഷോട്ടുതിര്‍ത്തെങ്കിലും ഒരു തവണ മാത്രമെ ബാഴ്‌സലോണക്ക് ലക്ഷ്യം ഭേദിക്കാനായുള്ളു. സൂപ്പര്‍ ഫോര്‍വേഡ് മെസിയിലൂടെ സമനില പിടിച്ചെങ്കിലും ജയം സ്വന്തമാക്കാന്‍ ബാഴ്‌സക്കായില്ല. ആദ്യ പകുതിയില്‍ പെഡ്രിയുടെ അസിസ്റ്റില്‍ ഗോള്‍ മുഖത്ത് നിന്നും തൊടുത്ത തകര്‍പ്പന്‍ ഷോട്ടിലൂടെയാണ് മെസി പന്ത് വലയിലെത്തിച്ചത്. നേരത്തെ മുപ്പതാം മിനിട്ടില്‍ പെനാല്‍ട്ടിയിലൂടെ കിലിയന്‍ എംബാപ്പെ പിഎസ്‌ജിക്കായി ആദ്യ ഗോള്‍ സ്വന്തമാക്കി. എംബാപ്പെയുടെ കിക്ക് ജഡ്‌ജ് ചെയ്യുന്നതില്‍ ബാഴ്‌സയുടെ ജര്‍മന്‍ ഗോളി ടെര്‍ സ്റ്റേഗന് പിഴവ് സംഭവിക്കുകയായിരുന്നു. ഇരു പാദങ്ങളിലുമായി രണ്ടിനെതിരെ അഞ്ച് ഗോളുകളുടെ ജയമാണ് കഴിഞ്ഞ വര്‍ഷത്തെ റണ്ണറപ്പായ പിഎസ്‌ജി സ്വന്തമാക്കിയത്.
-
🔴 How far will the Reds go?
— UEFA Champions League (@ChampionsLeague) March 10, 2021 " class="align-text-top noRightClick twitterSection" data="
Liverpool 🆚 Leipzig: Salah and Mané finish job...#UCL
">🔴 How far will the Reds go?
— UEFA Champions League (@ChampionsLeague) March 10, 2021
Liverpool 🆚 Leipzig: Salah and Mané finish job...#UCL🔴 How far will the Reds go?
— UEFA Champions League (@ChampionsLeague) March 10, 2021
Liverpool 🆚 Leipzig: Salah and Mané finish job...#UCL
ലീഗില്‍ ഇന്ന് പുലര്‍ച്ചെ നടന്ന മറ്റൊരു മത്സരത്തില്‍ ആര്‍ബി ലെപ്‌സിഗിനെ എതിരില്ലാത്ത രണ്ട് ഗോളുകള്‍ക്ക് പരാജയപ്പെടുത്തി ലിവര്‍പൂളും ക്വാര്‍ട്ടര്‍ യോഗ്യത നേടി. ആദ്യപാദത്തിന്‍റെ തനിയാവര്‍ത്തനമെന്ന പോലെ സാദിയോ മാനെയും മുഹമ്മദ് സലയുമാണ് ലിവര്‍പൂളിനായി ഗോള്‍ കണ്ടെത്തിയത്. രണ്ടാം പകുതിയിലായിരുന്നു ഇരു ഗോളുകളും പിറന്നത്. ഇരു പാദങ്ങളിലുമായി മറുപടിയില്ലാത്ത നാല് ഗോളുകള്‍ക്കാണ് ലെപ്‌സിഗിനെ ചെമ്പട പരാജയപ്പെടുത്തിയത്.
ഇന്ന് പുലര്‍ച്ചെ പുഷ്‌കാസ് അരീനയില്‍ നടന്ന മത്സരത്തില്‍ ആക്രമണ ഫുട്‌ബോള്‍ പുറത്തെടുത്ത ലിവര്‍പൂള്‍ എഴ്‌ ഷോട്ടുകളും ലെപ്‌സിഗ് രണ്ട് ഷോട്ടുകളമാണ് ലക്ഷ്യത്തിലേക്ക് ഉതിര്‍ത്തത്. പരിക്കിന്‍റെ പിടിയിലായതിനെ തുടര്‍ന്ന് ഇംഗ്ലീഷ് പ്രീമിയര്‍ ലീഗില്‍ മങ്ങിയ പ്രകടനം പുറത്തെടുക്കുന്ന യുര്‍ഗന്‍ ക്ലോപ്പിന്‍റെ ശിഷ്യന്‍മാര്‍ക്ക് ചാമ്പ്യന്‍സ് ലീഗിന്‍റെ ക്വാര്‍ട്ടര്‍ പ്രവേശം വലിയ പ്രതീക്ഷകളാണ് നല്‍കുന്നത്. സീസണില്‍ ആദ്യമായാണ് ലിവര്‍പൂള്‍ ഒരു ടൂര്‍ണമെന്‍റിന്‍റെ ക്വാര്‍ട്ടറില്‍ പ്രവേശിക്കുന്നത്.
