ലിവര്‍പൂളിന് മുന്നില്‍ മുട്ടുകുത്തി മാഞ്ചസ്റ്റര്‍ സിറ്റി

മാ​ഞ്ച​സ്റ്റ​ർ സി​റ്റി​യെ ഒ​ന്നി​നെ​തി​രെ മൂ​ന്ന് ഗോ​ളു​ക​ൾ​ക്ക് ലിവര്‍പൂള്‍ കീ​ഴ​ട​ക്കി. 12 മ​ത്സ​ര​ങ്ങ​ളി​ല്‍ നിന്ന് 34 പോ​യി​ന്‍റു​മാ​യി ലിവര്‍പൂള്‍ ഒ​ന്നാം​സ്ഥാ​ന​ത്ത്

ലണ്ടന്‍: ഇം​ഗ്ലീ​ഷ് പ്രീ​മി​യ​ർ ലീ​ഗി​ലെ ക്ലാ​സി​ക് പോ​രാ​ട്ട​ത്തി​ൽ ലി​വ​ർ​പൂ​ളി​ന് ജ​യം. ആ​ൻ​ഫീ​ൽ​ഡി​ൽ മാ​ഞ്ച​സ്റ്റ​ർ സി​റ്റി​യെ ഒ​ന്നി​നെ​തി​രെ മൂ​ന്ന് ഗോ​ളു​ക​ൾ​ക്ക് ലിവര്കീ‍പൂള്‍ ​കീഴ​ട​ക്കി. സീ​സ​ണി​ൽ കു​തി​പ്പ് തു​ട​രു​ന്ന ലി​വ​ര്‍​പൂ​ള്‍ ജ​യ​ത്തോ​ടെ പോ​യി​ന്‍റ് പ​ട്ടി​ക​യി​ൽ മു​ന്നി​ലെ​ത്തി. നി​ല​വി​ലെ ജേ​താ​ക്ക​ളാ​യ മാ​ഞ്ച​സ്റ്റ​ർ സി​റ്റി​യെ ക​ളി​യു​ടെ സ​മ​സ്ത മേ​ഖ​ല​യി​ലും വ​രി​ഞ്ഞുകെ​ട്ടി​യാ​ണ് ലി​വ​ർ​പൂ​ൾ വി​ജ​യം നേ​ടി​യ​ത്.

ആ​റാം മി​നി​റ്റി​ൽ ഫാ​ബി​ന്യോ​യി​ലൂ​ടെ ലി​വ​ർ​പൂ​ൾ ഗോ​ൾ​വേ​ട്ട ആ​രം​ഭി​ച്ചു. പ​തി​മൂ​ന്നാം മി​നി​റ്റി​ൽ മു​ഹ​മ്മ​ദ് സ​ല​യും അമ്പത്തിയൊന്നാം മി​നി​റ്റി​ൽ സാ​ദി​യോ മാ​നെ​യും വ​ല​കു​ലു​ക്കി​യ​തോ​ടെ ലി​വ​ർ​പൂ​ളി​ന്‍റെ ലീ​ഡ് മൂ​ന്നാ​യി ഉ​യ​ർ​ന്നു. എഴുപത്തിയെട്ടാം മി​നി​റ്റി​ൽ ബെ​ർ​ണാ​ഡോ സി​ൽ​വ​യു​ടെ ഗോ​ളി​ലൂ​ടെ സി​റ്റി തി​രി​ച്ച​ടി​ച്ചു. അ​വ​സാ​ന മി​നി​റ്റു​ക​ളി​ൽ സി​റ്റി പൊ​രു​തി നോ​ക്കി​യെ​ങ്കി​ലും ഫ​ലം ക​ണ്ടി​ല്ല. ലി​വ​ർ​പൂ​ളി​ന്‍റെ പ്ര​തി​രോ​ധ​കോ​ട്ട ത​ക​ർ​ക്കാ​ൻ പെ​പ് ഗ്വാ​ർ​ഡി​യോ​ള​യു​ടെ ടീ​മി​നാ​യി​ല്ല.

പന്ത്രണ്ട് മ​ത്സ​ര​ങ്ങ​ളി​ല്‍ നിന്ന് 34 പോ​യി​ന്‍റു​മാ​യി ലിവര്‍പൂള്‍ ഒ​ന്നാം​സ്ഥാ​ന​ത്ത് തു​ട​രു​മ്പോള്‍ 26 പോയിന്‍റുമായി ലേസ്റ്റര്‍ സിറ്റിയാണ് രണ്ടാം സ്ഥാനത്ത്. ചെല്‍സിയാണ് മൂന്നാം സ്ഥാനത്ത്. മൂ​ന്നാം തോ​ൽ​വി നേ​രി​ട്ട മാ​ഞ്ച​സ്റ്റ​ർ സി​റ്റി 25 പോ​യി​ന്‍റു​മാ​യി നാ​ലാം സ്ഥാ​ന​ത്താ​ണ്.