സെന്‍റ് പീറ്റേഴ്സ്ബർഗ്: യൂറോപ്പയില്‍ ഗ്രൂപ്പ് ഇയിലെ മത്സരത്തിൽ സ്വീഡനെതിരെ പോളണ്ടിന് നിര്‍ണായക പോരാട്ടം. ഗ്രൂപ്പില്‍ നിന്നും സ്വീഡന് പ്രീക്വാര്‍ട്ടര്‍ ഉറപ്പിച്ചിട്ടുണ്ട്. അതേസമയം അവസാന പതിനാറെന്ന പ്രതീക്ഷ നിലനിര്‍ത്തണണമെങ്കില്‍ പോളണ്ടിന് വലിയ മാര്‍ജിനിലുള്ള വിജയം അനിവാര്യമാണ്.
നിലവില്‍ രണ്ട് മത്സരങ്ങളില്‍ നിന്നും ഒരു വിജയവും ഒരു സമനിലയുമായി നാല് പോയിന്‍റാണ് സ്വീഡനുള്ളത്. മൂന്ന് പോയിന്‍റുള്ള സ്ലോവാക്യ രണ്ടാം സ്ഥാനത്തും, രണ്ട് പോയിന്‍റുള്ള സ്പെയിന്‍ മൂന്നാം സ്ഥാനത്തുമുള്ളപ്പോള്‍ നാലാം സ്ഥാനത്തുള്ള പോളണ്ടിന് ഒരു പോയിന്‍റ് മാത്രമാണുള്ളത്. ഇതോടെ ഇന്ത്യൻ സമയം രാത്രി 9:30ന് നടക്കുന്ന മത്സരം കടുക്കുമെന്ന് പ്രതീക്ഷിക്കാം.
-
🇸🇪 Sweden's main man today will be _________#EURO2020 pic.twitter.com/PN6J8ne243
— UEFA EURO 2020 (@EURO2020) June 23, 2021 " class="align-text-top noRightClick twitterSection" data="
">🇸🇪 Sweden's main man today will be _________#EURO2020 pic.twitter.com/PN6J8ne243
— UEFA EURO 2020 (@EURO2020) June 23, 2021🇸🇪 Sweden's main man today will be _________#EURO2020 pic.twitter.com/PN6J8ne243
— UEFA EURO 2020 (@EURO2020) June 23, 2021
സ്വീഡിഷ് പടയില്‍ എമിൽ ഫോർസ്ബർഗ്, അലക്സാണ്ടർ ഇസക്, മാർക്കസ് ബെർഗ് എന്നിവരുടെ പ്രകടനം മുതല്‍ക്കൂട്ടാവും. വലയ്ക്ക് കീഴില്‍ റോബിൻ ഓൾസന്‍റെ പ്രകടന മികവ് നിര്‍ണായകമാവും. അതേസമയം ടീം ലൈനപ്പില്‍ കോച്ച് ജാൻ ആൻഡേഴ്സൺ മാറ്റം വരുത്തിയേക്കും. ഇതോടെ ഡെജാൻ കുലുസെവ്സ്കിക്ക് അവസരം ലഭിച്ചേക്കും.
also read: ജീവിതത്തിന്‍റെ കളിക്കളത്തില്‍ മാനെക്ക് രക്ഷകന്‍റെ റോള്‍; നാട്ടുകാര്‍ക്കായി ആശുപത്രി
അതേസമയം ഗ്രൂപ്പില്‍ അവസാനക്കാരാണെങ്കിലും എന്തിനും പോന്നവര്‍ തന്നെയാണ് റോബർട്ടോ ലെവാൻഡോവ്സ്കിയുടെ സംഘം. പ്രതിരോധ താരം ജാൻ ബെഡ്നാരെക്ക്, മിഡ്ഫീല്‍ഡര്‍ ജാക്കുബ് മോഡര്‍ എന്നിവരുടെ പരിക്ക് ടീമിന് തിരിച്ചടിയാണ്. മാറ്റിയൂസ് ക്ലിച്ച്, പീറ്റർ സെലൻസ്കി, ബാർട്ടോസ് ബെറെസ്സിയാസ്കി, കാമിൽ ഗ്ലിക് എന്നിവരുടെ പ്രകടനം നിര്‍ണായകമാവും.
പോളണ്ട് സ്വീഡനെ തോൽപ്പിക്കുകയും സ്ലോവാക്യയ്ക്കെതിരെ സ്പെയിൻ ജയിക്കുകയും ചെയ്താൽ സ്വീഡന് പുറമെ സ്പെയിൻ, പോളണ്ട് എന്നിവർക്ക് നോക്കൗട്ട് പ്രതീക്ഷിക്കാം. മറിച്ചാണെങ്കില്‍ സ്ലോവാക്യ മുന്നേറുകയും സ്പെയ്നിനും പോളണ്ടിനും പുറത്തേക്കുള്ള വഴി തുറക്കും.
