ഇസ്‌താംബുൾ: യുവേഫ ചാമ്പ്യൻസ് ലീഗ് ഫുട്‌ബോൾ ഗ്രൂപ്പ് ഘട്ടത്തിൽ തീപാറും പോരാട്ടങ്ങൾ ഉറപ്പിച്ച് 2021-22 സീസണ്‍ ഫിക്‌സ്‌ചർ പുറത്ത്. കിരീടം നേടാൻ ലയണൽ മെസിയെ കൂടെക്കൂട്ടി ഇറങ്ങുന്ന ഫ്രഞ്ച് ക്ലബ് പിഎസ്‌ജിയും ക്രിസ്റ്റ്യാനോ റൊണാൾഡോയെ ഒപ്പം ചേർക്കാനൊരുങ്ങുന്ന മാഞ്ചസ്റ്റർ സിറ്റിയും ഒരേ ഗ്രൂപ്പിലാണ് ഇടം പിടിച്ചിരിക്കുന്നത്.
റൊണാൾഡോ സിറ്റിയിലേക്ക് എത്തിയാൽ മെസ്- റെണാൾഡോ പോരാട്ടത്തിനും ചാമ്പ്യൻസ് ലീഗ് വേദിയാകും. ജർമൻ ക്ലബ് ലൈപ്സീഗ്, ബൽജിയം ക്ലബ് ബ്രൂഗ് എന്നിവയാണു ഗ്രൂപ്പ് എ യിലെ മറ്റു ടീമുകൾ. സെപ്റ്റംബർ 14നാണ് ഗ്രൂപ്പ് റൗണ്ട് മത്സരങ്ങൾ ആരംഭിക്കുന്നത്.
-
All set for the 2021/22 season! 🤩
— UEFA Champions League (@ChampionsLeague) August 26, 2021 " class="align-text-top noRightClick twitterSection" data="
Which Champions League group are you most excited for?#UCLdraw | #UCL pic.twitter.com/gpOCzlRtOd
">All set for the 2021/22 season! 🤩
— UEFA Champions League (@ChampionsLeague) August 26, 2021
Which Champions League group are you most excited for?#UCLdraw | #UCL pic.twitter.com/gpOCzlRtOdAll set for the 2021/22 season! 🤩
— UEFA Champions League (@ChampionsLeague) August 26, 2021
Which Champions League group are you most excited for?#UCLdraw | #UCL pic.twitter.com/gpOCzlRtOd
ഗ്രൂപ്പ് എ യെക്കാളും മരണപ്പോരാട്ടം നടക്കുന്നത് ഗ്രൂപ്പ് ബി യിൽ ആയിരിക്കും. അത്‌ലറ്റിക്കോ മഡ്രിഡ്, ലിവർപൂൾ, പോർട്ടോ, എസി മിലാൻ എന്നീ കരുത്തൻമാരാണ് ഗ്രൂപ്പ് ബി യിൽ അണിനിരക്കുന്നത്.
താരതമ്യേന കുഞ്ഞൻ ടീമുകളാണ് ഗ്രൂപ്പ് സി യില്‍ മത്സരിക്കുന്നത്. ബൊറൂസ്സിയ ഡോര്‍ട്മുണ്ടാണ് സിയിലെ കരുത്തൻമാർ. ദുര്‍ബലരായ സ്‌പോര്‍ടിങ് ലിസ്ബണ്‍, അയാക്‌സ്, ബെസിക്റ്റാസ് എന്നീ ടീമുകളാണ് ഗ്രൂപ്പ് സി യില്‍ ഉള്ളത്.
ഇറ്റാലിയൻ ക്ലബ് ഇന്‍റർ മിലാനും, സ്‌പാനിഷ് ക്ലബ് റയൽ മാഡ്രിഡും, യുക്രെയ്ൻ ക്ലബ് ഷക്തർ ഡോണെസ്കും, എഫ്.സി ഷെരീഫ് ടിരാസ്‌പോളും ഉൾപ്പെട്ട ഗ്രൂപ്പ് ഡി യിലും മത്സരങ്ങൾ തീപാറും.
മെസി ഇല്ലാതെ കളിക്കളത്തിലിറങ്ങുന്ന ബാഴ്‌സലോണക്ക് ബയണ്‍ മ്യൂണിക്കാണ് ഗ്രൂപ്പ് ഇ യിലെ പ്രധാന എതിരാളി. ബെന്‍ഫിക്ക, ഡൈനാമോ കീവ് എന്നീ ക്ലബ്ബുകളും ഗ്രൂപ്പ് ഇ യിൽ സ്ഥാനം പിടിച്ചിട്ടുണ്ട്.
ഗ്രൂപ്പ് എഫിലാണ് കരുത്തരായ മാഞ്ചെസ്റ്റര്‍ യുണൈറ്റഡ് മത്സരിക്കുന്നത്. വിയ്യാറയല്‍, അത്‌ലാന്‍റ്, യങ് ബോയ്‌സ് എന്നീ ടീമുകളും ഗ്രൂപ്പ് എഫിലാണ് മത്സരിക്കുന്നത്.
ഗ്രൂപ്പ് ജി യില്‍ സെവിയ്യയ്ക്ക് വലിയ എതിരാളികൾ ഇല്ല എന്നുതന്നെ പറയാം. സാല്‍സ്ബര്‍ഗ്, വോള്‍വ്‌സ്ബര്‍ഗ്, ലില്‍ എന്നിവയാണ് ജി യിലെ മറ്റ് ടീമുകള്‍.
നിലവിലെ ചാമ്പ്യൻമാരായ ചെൽസിയും യുവന്‍റസും ഉൾപ്പെടുന്ന ഗ്രൂപ്പ് എച്ചും മികച്ച മത്സരം കാഴ്‌ചവയ്‌ക്കും. സെനിത് സെന്‍റ് പീറ്റേഴ്‌സ്‌ബെര്‍ഗ്, മാല്‍മോ എന്നീ ടീമുകളും ഗ്രൂപ്പിൽ മത്സരിക്കുന്നു.
ALSO READ: ക്രിസ്റ്റ്യാനോ റൊണാള്‍ഡോ സിറ്റിയിലേക്ക് ? ; ധാരണയായതായി റിപ്പോര്‍ട്ട്
