ദുബായ്‌ : ടി20 ലോകകപ്പിനിടെ വാർത്താസമ്മേളനത്തിൽ മേശപ്പുറത്തിരുന്ന കൊക്ക കോള കുപ്പിമാറ്റി ക്രിസ്റ്റ്യാനോ റൊണാൾഡോയെ അനുകരിച്ച് ഡേവിഡ് വാർണർ. എന്നാൽ അൽപസമയത്തിനകം താരം കുപ്പികൾ തിരിച്ച് മേശപ്പുറത്ത് വയ്‌ക്കുകയും ചെയ്തു.
ശ്രീലങ്കക്കെതിരായ മത്സരശേഷം നടന്ന വാർത്താസമ്മേളനത്തിലാണ് ചിരി പടർത്തിയ സംഭവം. വാർത്താസമ്മേളനത്തിനെത്തിയപ്പോൾ തനിക്ക് ഈ കുപ്പികൾ മാറ്റിവയ്‌ക്കാൻ സാധിക്കുമോ എന്ന് ചോദിച്ചുകൊണ്ട് വാർണർ രണ്ട് കുപ്പികളും മേശപ്പുറത്തുനിന്ന് എടുത്ത് താഴേക്ക് വയ്‌ക്കാനൊരുങ്ങി.
- — Hassam (@Nasha_e_cricket) October 28, 2021 " class="align-text-top noRightClick twitterSection" data="
— Hassam (@Nasha_e_cricket) October 28, 2021
">— Hassam (@Nasha_e_cricket) October 28, 2021
എന്നാൽ ഉടൻ തന്നെ ഐസിസി അധികൃതരിലൊരാൾ താരത്തിന്‍റെ അടുത്തെത്തി എന്തോ പറഞ്ഞു. പിന്നാലെ 'ക്രിസ്റ്റ്യാനോയ്ക്ക് നല്ലതാണെങ്കിൽ എനിക്കും നല്ലതാണെന്ന്' പറഞ്ഞ് താരം കുപ്പികൾ തിരികെ മേശമേൽ വയ്‌ക്കുകയായിരുന്നു.
ഈ വര്‍ഷത്തെ ടി20 ലോകകപ്പിലെ പ്രധാന സ്പോണ്‍സര്‍മാരില്‍ ഒരാളാണ് കൊക്ക കോള. 2023 വരെയാണ് ഐസിസിയുമായി കമ്പനിക്ക് കരാറുള്ളത്.
ALSO READ : ഇന്ത്യ ഏവർക്കും പ്രിയപ്പെട്ട ടീം,ഫൈനലിൽ വീണ്ടും ഏറ്റുമുട്ടണമെന്ന് പാക് കോച്ച്
കഴിഞ്ഞ യൂറോ കപ്പിനിടെ ക്രിസ്റ്റ്യാനോ റൊണാൾഡോയും ഇത്തരത്തിൽ കൊക്ക കോള കുപ്പി എടുത്തുമാറ്റിയിരുന്നു. പിന്നാലെ ഓഹരി വിപണിയിൽ ഉൾപ്പടെ നാല് ദശലക്ഷം ഡോളറിന്‍റെ കനത്ത നഷ്‌ടമാണ് കമ്പനിക്കുണ്ടായത്.
