മുംബൈ: 2022-ലെ ടി20 ലോകകപ്പിന്‍റെ സെമി ഫൈനല്‍ മത്സരത്തില്‍ ദയനീയ തോല്‍വി വഴങ്ങിക്കൊണ്ടായിരുന്നു ഇന്ത്യയുടെ പുറത്താവല്‍. ഇതിന് പിന്നാലെ സ്‌പെഷ്യലിസ്റ്റ് താരങ്ങളെ ഉള്‍പ്പെടുത്തി ടി20 ടീം ഉടച്ച് വാര്‍ക്കാനുള്ള ശ്രമത്തിലാണ് മാനേജ്‌മെന്‍റ്. സീനിയര്‍ താരങ്ങളായ രോഹിത് ശർമയും വിരാട് കോലിയും ഫോർമാറ്റ് വിട്ടിട്ടില്ലെങ്കിലും, ടി20 ടീമില്‍ നിന്നും വിട്ടുനില്‍ക്കുന്നത് തുടരുകയാണ്. ഇതോടെ ഹാര്‍ദിക് പാണ്ഡ്യയ്‌ക്ക് കീഴില്‍ ഒരു പറ്റം യുവതാരങ്ങളാണ് നിലവില്‍ ഇന്ത്യയെ പ്രതിനിധീകരിക്കുന്നത്.
ക്രിക്കറ്റിന്‍റെ മറ്റ് രണ്ട് ഫോര്‍മാറ്റിലും രോഹിത് ശര്‍മയ്‌ക്ക് കീഴിലാണ് ഇന്ത്യ കളിക്കുന്നത്. ഈ വര്‍ഷം സ്വന്തം മണ്ണില്‍ നടക്കുന്ന ഏകദിന ലോകകപ്പോടെ രോഹിത്തിന്‍റെ ഭാവി സംബന്ധിച്ച് തീരുമാനമുണ്ടാവുമെന്നാണ് പൊതുവെ വിലയിരുത്തലുള്ളത്. എന്നാല്‍ തന്‍റെ കരിയറുമായി ബന്ധപ്പെട്ട് ഒരു നിര്‍ണായ സൂചന നല്‍കിയിരിക്കുകയാണ് 36-കാരനായ രോഹിത് ശര്‍മ (Rohit Sharma). 2024-ലെ ടി20 ലോകകപ്പിനായി കാത്തിരിക്കുകയാണെന്നാണ് ഹിറ്റ്‌മാന്‍ പറയുന്നത്.
-
Captain Rohit Sharma said, " We've a T20I world cup coming in June 2024. It'll be pretty exciting and we're looking forward to it."
— Nisha (@NishaRo45_) August 6, 2023 " class="align-text-top noRightClick twitterSection" data="
There's a hope Rohit Sharma will decide to play next t20i world cup 🤞pic.twitter.com/1aYQRATlP4
">Captain Rohit Sharma said, " We've a T20I world cup coming in June 2024. It'll be pretty exciting and we're looking forward to it."
— Nisha (@NishaRo45_) August 6, 2023
There's a hope Rohit Sharma will decide to play next t20i world cup 🤞pic.twitter.com/1aYQRATlP4Captain Rohit Sharma said, " We've a T20I world cup coming in June 2024. It'll be pretty exciting and we're looking forward to it."
— Nisha (@NishaRo45_) August 6, 2023
There's a hope Rohit Sharma will decide to play next t20i world cup 🤞pic.twitter.com/1aYQRATlP4
അമേരിക്കയില്‍ വച്ചുള്ള ഒരു പരിപാടിക്കിടെ രോഹിത് ഇക്കാര്യം പറഞ്ഞത് ഓൺലൈനിൽ പ്രചരിക്കുന്നുണ്ട്. അമേരിക്കയിലും വെസ്റ്റ് ഇന്‍ഡീസിലുമായാണ് 2024-ലെ ടി20 ലോകകപ്പ് നടക്കുന്നത്. "വെറുതെ ഉല്ലാസത്തിനായുള്ള ഒരു യാത്ര എന്നതിലുപരി, ഇവിടെ (യുഎസ്എയിൽ) വരാൻ മറ്റൊരു കാരണമുണ്ട്.
ലോകകപ്പ് വരുന്നുണ്ടെന്ന് നിങ്ങള്‍ക്ക് അറിയാം. 2024-ജൂണില്‍ ലോകത്തിന്‍റെ ഈ ഭാഗത്താണ് ടി20 ലോകകപ്പ് നടക്കുക. അതിനാൽ, എല്ലാവരും ആവേശഭരിതരാണെന്ന് എനിക്ക് ഉറപ്പുണ്ട്. ഞങ്ങളും അതിനായി കാത്തിരിക്കുകയാണ്" -വിഡിയോയില്‍ രോഹിത് പറയുന്നതായി കേള്‍ക്കാം.
കഴിഞ്ഞ ടി20 ലോകകപ്പിലാണ് രോഹിത് അവസാനമായി ഇന്ത്യയ്‌ക്കായി ടി20 കളിച്ചത്. ഫോര്‍മാറ്റില്‍ അവസാനം കളിച്ചതാവട്ടെ ഐപിഎല്ലില്‍ കഴിഞ്ഞ സീസണില്‍ മുംബൈ ഇന്ത്യന്‍സിനായാണ്. സീസണില്‍ കാര്യമായ പ്രകടനം നടത്താന്‍ കഴിയാതിരുന്ന താരം 16 മത്സരങ്ങളില്‍ നിന്നും രണ്ട് അര്‍ധ സെഞ്ചുറികള്‍ ഉള്‍പ്പെടെ 332 റണ്‍സ് മാത്രമാണ് നേടിയിരുന്നത്.
ഇതോടെ ക്രിക്കറ്റിന്‍റെ ഏറ്റവും ചെറിയ ഫോര്‍മാറ്റില്‍ രോഹിത്തിന്‍റെ ഫോം സംബന്ധിച്ച് നിരവധി വിദഗ്‌ധര്‍ ആശങ്ക ഉന്നയിച്ചിരുന്നു. ഇതോടെ ഇനി ഇന്ത്യയുടെ ടി20 ടീമിലേക്ക് താരത്തിന് ഒരു തിരിച്ചുവരവുണ്ടോയെന്നാണ് നിലവില്‍ ആരാധകര്‍ ഉറ്റുനോക്കുന്നത്. അതേസമയം വെസ്റ്റ് ഇന്‍ഡീസ് പര്യടനത്തിലെ ടെസ്റ്റ്, ഏകദിന മത്സരങ്ങള്‍ അവസാനിച്ചതോടെ നിലവില്‍ ഇടവേളയിലാണ് രോഹിത്.
ഇതിന് ശേഷം പാകിസ്ഥാന്‍ ആതിഥേയരാവുന്ന ഏഷ്യ കപ്പാണ് രോഹിത്ത് നയിക്കുന്നത്. ആതിഥേയര്‍ പാകിസ്ഥാനാണെങ്കിലും ഹൈബ്രീഡ് മോഡലില്‍ പാക് മണ്ണിലും ശ്രീലങ്കയിലുമായാണ് ടൂര്‍ണമെന്‍റ് നടക്കുക. ഏഷ്യ കപ്പിനായി ടീമിനെ പാകിസ്ഥാനിലേക്ക് അയയ്‌ക്കില്ലെന്ന് ബിസിസിഐ നിലപാട് എടുത്തതോടെയാണ് ടൂര്‍ണമെന്‍റ് ഹൈബ്രീഡ് മോഡലില്‍ നടത്താന്‍ തീരുമാനമായത്.
സുരക്ഷ കാരണങ്ങള്‍ മുന്‍ നിര്‍ത്തിയാണ് ഇന്ത്യന്‍ ടീമിനെ പാകിസ്ഥാനിലേക്ക് അയയ്‌ക്കേണ്ടെന്ന നിലപാടിലേക്ക് ബിസിസിഐ എത്തിയത്. ഇതോടെ ടൂര്‍ണമെന്‍റിന്‍റെ നടത്തിപ്പ് അനിശ്ചിതത്തിലായതോടെ പാകിസ്ഥാന്‍ ക്രിക്കറ്റ് ബോര്‍ഡിന്‍റെ മുന്‍ അധ്യക്ഷന്‍ നജാം സേത്തിയാണ് ഹൈബ്രീഡ് മോഡല്‍ മുന്നോട്ട് വച്ചത്.
ALSO READ: Sanju Samson | സഞ്‌ജുവിന്‍റെ സ്ഥാനം ആദ്യ നാലില്‍, ഫിനിഷറാക്കി നശിപ്പിക്കരുത് : കമ്രാന്‍ അക്‌മല്‍
