മൊഹാലി: ഓസ്‌ട്രേലിയയ്‌ക്ക് എതിരെ ഒന്നാം ഏകദിനത്തില്‍ വിക്കറ്റിന് പിന്നിലെ മോശം പ്രകടനത്തിന് ഇന്ത്യയുടെ സ്റ്റാന്‍ഡ് ഇന്‍ ക്യാപ്റ്റന്‍ കെഎല്‍ രാഹുലിനെതിരെ തിരിഞ്ഞ് ആരാധകര്‍ (Fans slam KL Rahul for Poor Wicket Keeping in India vs Australia 1st ODI). ടോസ് നേടി ബോളിങ് തിരഞ്ഞെടുത്ത ഇന്ത്യയ്‌ക്കായി അത്ര ആത്മവിശ്വാസത്തിലായിരുന്നില്ല രാഹുല്‍ വിക്കറ്റിന് പിന്നില്‍ നിന്നത്. ഇന്ത്യന്‍ പേസര്‍മാരായ മുഹമ്മദ് ഷമിയുടെയും ജസ്പ്രീത് ബുംറയുടേയും പന്തുകള്‍ പിടിക്കാന്‍ പ്രയാസപ്പെടുന്ന രാഹുലിനെയാണ് കാണാന്‍ കഴിഞ്ഞത്.
ഇതിനിടെ മാര്‍നസ്‌ ലെബുഷെയ്‌നെ റണ്ണൗട്ടാക്കാനുള്ള സുവര്‍ണാവസരവും രാഹുല്‍ കളഞ്ഞ് കുളിക്കുകയും ചെയ്‌തു(KL Rahul misses Run out Chance of Marnus labuschagne). രവീന്ദ്ര ജഡേജ (Ravindra jadeja) എറിഞ്ഞ 23-ാം ഓവറിലായിരുന്നു ലെബുഷെയ്‌നെ പുറത്താക്കാനുള്ള വമ്പന്‍ അവസരം ഇന്ത്യയ്‌ക്ക് ലഭിച്ചത്. ജഡേജയുടെ പന്ത് കവറിലേക്ക് കളിച്ച ലെബുഷെയ്‌ന്‍ സിംഗിളിനായി ക്രീസ് വിട്ടിറങ്ങി.
-
KL Rahul has become very good at this - Harsha Bhogle.
— Bala45 (@bala45_rohit) September 22, 2023 " class="align-text-top noRightClick twitterSection" data="
Is he praising KL or something else😂#INDvsAUS pic.twitter.com/XLET9dPhiY
">KL Rahul has become very good at this - Harsha Bhogle.
— Bala45 (@bala45_rohit) September 22, 2023
Is he praising KL or something else😂#INDvsAUS pic.twitter.com/XLET9dPhiYKL Rahul has become very good at this - Harsha Bhogle.
— Bala45 (@bala45_rohit) September 22, 2023
Is he praising KL or something else😂#INDvsAUS pic.twitter.com/XLET9dPhiY
എന്നാല്‍ സൂര്യകുമാര്‍ പന്ത് പിടിച്ചതോടെ നോണ്‍ സ്‌ട്രൈക്കറായിരുന്ന കാമറൂണ്‍ ഗ്രീനും ലെബുഷെയ്‌നും തമ്മില്‍ ആശയക്കുഴപ്പമുണ്ടായി. തിരിച്ചോടിയ ലെബുഷ്‌യന്‍ ക്രീസില്‍ നിന്നും ഏറെ ദൂരെ നില്‍ക്കെ തന്നെ സൂര്യകുമാര്‍ രാഹുലിന് പന്തെറിഞ്ഞ് നല്‍കിയെങ്കിലും ഇതു പിടിക്കാന്‍ പോലും താരത്തിന് കഴിഞ്ഞിരുന്നില്ല. ഇതു കണ്ടുള്ള നിരാശയില്‍ മുഖം പൊത്തുകയാണ് സൂര്യ ചെയ്‌തത്.
-
He is our go to option for Captain/WK batter 🙏🏻 #INDvsAUS pic.twitter.com/QBmt2XcWGQ
— Radoo🌶️ (@Chandan_radoo) September 22, 2023 " class="align-text-top noRightClick twitterSection" data="
">He is our go to option for Captain/WK batter 🙏🏻 #INDvsAUS pic.twitter.com/QBmt2XcWGQ
— Radoo🌶️ (@Chandan_radoo) September 22, 2023He is our go to option for Captain/WK batter 🙏🏻 #INDvsAUS pic.twitter.com/QBmt2XcWGQ
— Radoo🌶️ (@Chandan_radoo) September 22, 2023
ഒടുവില്‍ ഭാഗ്യം തുണച്ചതോടെ ലെബുഷെയ്‌ന്‍റെ പുറത്താവലില്‍ ഭാഗവാക്കാവാന്‍ കഴിഞ്ഞുവെന്നത് രാഹുലിന് ആശ്വാസമാണ്. അശ്വിന്‍റെ പന്തിലായിരുന്നു ലെബുഷെയ്‌ന്‍ വീണത്. ക്രീസ് വിട്ടിറങ്ങിയ താരത്തിന്‍റെ റിവേഴ്‌സ് സ്വീപ്പ് കളിക്കാനുള്ള ശ്രമം പാളിയതോടെ രാഹുലിന്‍റെ പാഡിലിടിച്ച പന്ത് ബെയ്‌ല്‍സ് ഇളക്കുകയായിരുന്നു.
വ്യക്തിഗത സ്‌കോര്‍ 11-ല്‍ നില്‍ക്കെ ജീവന്‍ ലഭിച്ച ലെബുഷെയ്‌ന്‍ തിരിച്ച് കയറുമ്പോള്‍ 49 പന്തുകളില്‍ നിന്നും 39 റണ്‍സായിരുന്നു നേടിയിരുന്നത്. ഏകദിന ക്രിക്കറ്റില്‍ രണ്ട് വര്‍ഷങ്ങള്‍ക്ക് ശേഷമുള്ള അശ്വിന്‍റെ ആദ്യ വിക്കറ്റായിരുന്നുവിത്.
പരിക്കില്‍ നിന്നും തിരിച്ചെത്തിയതിന് ശേഷം കളിച്ച ഏഷ്യ കപ്പില്‍ വിക്കറ്റ് കീപ്പറായി മികച്ച പ്രകടനം നടത്താന്‍ രാഹുലിന് കഴിഞ്ഞിരുന്നു. ലോകപ്പില്‍ ഇന്ത്യയുടെ പ്രധാന വിക്കറ്റ് കീപ്പറായ താരം തന്‍റെ വിക്കറ്റ് കീപ്പിങ് രാഹുല്‍ മെച്ചപ്പെടുത്തണമെന്നാണ് ആരാധകര്‍ പറയുന്നത്. എന്നാല്‍ ക്യാപ്റ്റന്‍സിയുടെ സമ്മര്‍ദം ഒരു പക്ഷെ താരത്തിന്‍റെ പ്രകടനത്തെ ബാധിച്ചതാവാം എന്ന മറുവാദവുമുണ്ട്.
ഇന്ത്യ (പ്ലേയിങ് ഇലവൻ) India Playing XI against Australia: ശുഭ്‌മാൻ ഗിൽ, റുതുരാജ് ഗെയ്‌ക്‌വാദ്, ശ്രേയസ് അയ്യർ, കെഎൽ രാഹുൽ (ക്യാപ്റ്റന്‍/ വിക്കറ്റ് കീപ്പര്‍), ഇഷാൻ കിഷൻ, സൂര്യകുമാർ യാദവ്, രവീന്ദ്ര ജഡേജ, രവിചന്ദ്രൻ അശ്വിൻ, ശാർദുൽ താക്കൂർ, ജസ്പ്രീത് ബുംറ, മുഹമ്മദ് ഷമി.
ഓസ്‌ട്രേലിയ (പ്ലേയിങ് ഇലവൻ Australia Playing XI against India): ഡേവിഡ് വാർണർ, മിച്ചൽ മാർഷ്, സ്റ്റീവ്‌ സ്മിത്ത്, മാർനസ് ലെബുഷെയ്‌ന്‍, കാമറൂൺ ഗ്രീൻ, ജോഷ് ഇംഗ്ലിസ് (വിക്കറ്റ് കീപ്പര്‍), മാർക്കസ് സ്റ്റോയിനിസ്, മാത്യു ഷോർട്ട്, പാറ്റ് കമ്മിൻസ് (ക്യാപ്റ്റന്‍), സീൻ ആബട്ട്, ആദം സാംപ.
