ബെംഗളൂരു : ഐപിഎല്‍ 2023ലെ ഏറ്റവും ആവേശം നിറഞ്ഞ മത്സരങ്ങളിലൊന്നായിരുന്നു ഇന്നലെ ചിന്നസ്വാമി സ്റ്റേഡിയത്തില്‍ നടന്നത്. 444 റണ്‍സും 33 സിക്‌സറും പിറന്ന മത്സരത്തില്‍ ആതിഥേയരായ ആര്‍സിബിയെ വീഴ്‌ത്തി സിഎസ്‌കെ ആയിരുന്നു ജയം നേടിയത്. ബാംഗ്ലൂര്‍-ചെന്നൈ ആവേശപ്പോരാട്ടത്തിനൊപ്പം രണ്ട് ഇതിഹാസങ്ങളുടെ ഒത്തുചേരലിനും കൂടി ആരാധകര്‍ കാത്തിരുന്ന ഒരു മത്സരമായിരുന്നു ഇത്.
ചെന്നൈ സൂപ്പര്‍ കിങ്‌സ് നായകന്‍ എംഎസ് ധോണിയുടെ അവസാന ഐപിഎല്‍ സീസണ്‍ ഇതായിരിക്കുമെന്ന വിലയിരുത്തലിലാണ് ആരാധകര്‍. അതുകൊണ്ട് തന്നെ അദ്ദേഹത്തിന്‍റെ ഓരോ മത്സരങ്ങളും കാണാന്‍ ആരാധകര്‍ ആകാംക്ഷയോടെയാണ് സ്റ്റേഡിയത്തിലേക്ക് എത്തുന്നതും. ഇന്നലെ നടന്ന ആര്‍സിബി-സിഎസ്‌കെ മത്സരം വിരാട് കോലി എംഎസ് ധോണി എന്നിവര്‍ മുഖാമുഖം വരുന്ന അവസാന മത്സരം ആയിരിക്കുമെന്ന ചിന്തയും ഫാന്‍സിനിടയിലുണ്ടായി.
-
❤️+💛= 🇮🇳 @msdhoni pic.twitter.com/CU0ktK3cG7
— Virat Kohli (@imVkohli) April 18, 2023 " class="align-text-top noRightClick twitterSection" data="
">❤️+💛= 🇮🇳 @msdhoni pic.twitter.com/CU0ktK3cG7
— Virat Kohli (@imVkohli) April 18, 2023❤️+💛= 🇮🇳 @msdhoni pic.twitter.com/CU0ktK3cG7
— Virat Kohli (@imVkohli) April 18, 2023
ഈ ആശങ്കയെല്ലാം വച്ചാണ് അവര്‍ കളികാണാന്‍ എത്തിയതും. എന്നാല്‍ മത്സരത്തില്‍ ബാറ്റ് കൊണ്ട് ഇരുവര്‍ക്കും ആരാധകരെ സംതൃപ്‌തിപ്പെടുത്താന്‍ സാധിച്ചിരുന്നില്ല. ചെന്നൈ ഇന്നിങ്സില്‍ എട്ടാമനായാണ് ധോണി ക്രീസിലെത്തിയത്.
അവസാന ഓവറിലെത്തിയ ധോണിക്ക് ഒരു പന്ത് നേരിട്ട് ഒരു റണ്‍ മാത്രം നേടാനാണ് സാധിച്ചത്. എന്നാല്‍ മറുവശത്ത്, കഴിഞ്ഞ രണ്ട് കളികളിലും ചിന്നസ്വാമിയില്‍ മിന്നും പ്രകടനം പുറത്തെടുത്ത വിരാട് കോലിക്ക് ചെന്നൈക്കെതിരെ നിലയുറപ്പിക്കും മുന്‍പ് തന്നെ മടങ്ങേണ്ടി വന്നിരുന്നു.
റോയല്‍ ചലഞ്ചേഴ്‌സ് ബാംഗ്ലൂരിന് വേണ്ടി ഓപ്പണറായി ക്രീസിലെത്തിയ കോലി ആദ്യ ഓവറില്‍ തന്നെ ഒരു ഫോര്‍ നേടിയെങ്കിലും നാലാം പന്തില്‍ ദൗര്‍ഭാഗ്യകരമായ രീതിയില്‍ പുറത്താവുകയായിരുന്നു. ആകാശ് സിങ്ങിന്‍റെ പന്ത് ഇന്‍സൈഡ് എഡ്‌ജായി കോലിയുടെ പാഡില്‍ തട്ടി സ്റ്റമ്പില്‍ വന്നിടിക്കുകയായിരുന്നു. ആറ് റണ്‍സായിരുന്നു മത്സരത്തില്‍ മുന്‍ ആര്‍സിബി നായകന്‍റെ സമ്പാദ്യം.
മത്സരത്തിലെ ഇരുവരുടെയും പ്രകടനം ആരാധകര്‍ക്ക് നിരാശയാണ് സമ്മാനിച്ചതെങ്കില്‍ മത്സരശേഷമുള്ള രണ്ട് താരങ്ങളുടെയും കൂടിക്കാഴ്‌ച ആരാധക മനം കവരുന്നതായി. പതിവ് ഹാന്‍ഡ്‌ഷേക്കോടെ തുടങ്ങിയ ഇരുവരും നീണ്ട നേരം മൈതാനത്ത് സംസാരിച്ചുനിന്നു. ഇതിന് പിന്നാലെ ഇന്ന് എംഎസ് ധോണിയെ ആലിംഗനം ചെയ്‌ത് നില്‍ക്കുന്ന ഒരു ചിത്രം തന്‍റെ സോഷ്യല്‍ മീഡിയ പേജുകളില്‍ വിരാട് കോലി പോസ്‌റ്റ് ചെയ്‌തിരുന്നു.
-
A legendary duo 🙌@imVkohli 🤝 @msdhoni
— IndianPremierLeague (@IPL) April 17, 2023 " class="align-text-top noRightClick twitterSection" data="
❤️ 💛#TATAIPL | #RCBvCSK pic.twitter.com/5sOQDkdBLb
">A legendary duo 🙌@imVkohli 🤝 @msdhoni
— IndianPremierLeague (@IPL) April 17, 2023
❤️ 💛#TATAIPL | #RCBvCSK pic.twitter.com/5sOQDkdBLbA legendary duo 🙌@imVkohli 🤝 @msdhoni
— IndianPremierLeague (@IPL) April 17, 2023
❤️ 💛#TATAIPL | #RCBvCSK pic.twitter.com/5sOQDkdBLb
വ്യത്യസ്‌തമായ രീതിയില്‍ 'ഹാര്‍ട്ട് ഇമോജികള്‍' ഉപയോഗിച്ചായിരുന്നു വിരാട് ചിത്രത്തിന് ക്യാപ്‌ഷന്‍ നല്‍കിയത്. ചിത്രം പോസ്‌റ്റ് ചെയ്‌ത് നിമിഷങ്ങള്‍ക്കകം തന്നെ ആരാധകരും അത് ഏറ്റെടുത്തു.
അതേസമയം, ചിന്നസ്വാമിയില്‍ അവസാന ഓവര്‍വരെ നീണ്ട പോരാട്ടത്തിനൊടുവില്‍ ആര്‍സിബിക്കെതിരെ 8 റണ്‍സിന്‍റെ ജയം സ്വന്തമാക്കിയാണ് ധോണിപ്പട മടങ്ങിയത്. സീസണില്‍ സിഎസ്‌കെയുടെ മൂന്നാം ജയമായിരുന്നു ഇത്. ജയത്തോടെ ചെന്നൈ പോയിന്‍റ് പട്ടികയില്‍ മൂന്നാം സ്ഥാനത്തേക്കും മുന്നേറി.
