ദുബായ്‌: ഐപിഎല്ലില്‍ ഇന്ന് മരണപ്പോരിന് ഇറങ്ങുന്ന സണ്‍റൈസേഴ്‌സ് ഹൈദരാബാദിനെതിരെ ടോസ് നേടിയ ഡൽഹി ക്യാപ്പിറ്റൽസ്‌ ബാറ്റിങ്ങ് തെരഞ്ഞെടുത്തു. 11 മത്സരങ്ങളില്‍ നാല് ജയവും ഏഴ് തോല്‍വിയുമുള്ള ഹൈദരാബാദിന് ഇന്ന് ജയിച്ചാല്‍ പ്ലേ ഓഫ് പ്രതീക്ഷ നിലനിർത്താം. പരാജയപ്പെട്ടാല്‍ ചെന്നൈയ്‌ക്കൊപ്പം പ്ലേ ഓഫ് കാണാതെ പുറത്താകുന്ന രണ്ടാമത്തെ ടീമാകും ഹൈദരാബാദ്. അതുകൊണ്ട് തന്നെ ഇന്ന് ഹൈദരാബാദിന് നിർണായകമാണ്.
-
A look at the Playing XI for #SRHvDC#Dream11IPL pic.twitter.com/8Nm7LrQdFb
— IndianPremierLeague (@IPL) October 27, 2020 " class="align-text-top noRightClick twitterSection" data="
">A look at the Playing XI for #SRHvDC#Dream11IPL pic.twitter.com/8Nm7LrQdFb
— IndianPremierLeague (@IPL) October 27, 2020A look at the Playing XI for #SRHvDC#Dream11IPL pic.twitter.com/8Nm7LrQdFb
— IndianPremierLeague (@IPL) October 27, 2020
11 മത്സരങ്ങളില്‍ ഏഴ് ജയവും നാല് തോല്‍വിയുമായി 14 പോയിന്‍റ് നേടിയ ഡല്‍ഹി പോയിന്‍റ് പട്ടികയില്‍ മുംബൈയ്ക്ക് പിന്നില്‍ രണ്ടാമതാണ്. ഇന്ന് ജയിച്ചാല്‍ പ്ലേ ഓഫ് ഉറപ്പിക്കുന്നതിനൊപ്പം പോയിന്‍റ് പട്ടികയില്‍ ഒന്നാം സ്ഥാനവും ഡല്‍ഹിക്ക് സ്വന്തമാക്കാം. ഡല്‍ഹി ക്യാപിറ്റല്‍സ് കഴിഞ്ഞ മത്സരത്തിലെ അതേ ടീമിനെ നിലനിർത്തിയപ്പോൾ സൺറൈസേഴ്സ് നിരയില്‍ മൂന്ന് മാറ്റങ്ങളുണ്ട്.
പരിക്കില്‍ നിന്ന് മുക്തനായ കെയ്‌ൻ വില്യംസൺ തിരിച്ചെത്തിയപ്പോൾ ജോണി ബെയർസ്റ്റോയെ ഒഴിവാക്കി. അതോടൊപ്പം പ്രിയം ഗാർഗിന് പകരം വൃദ്ധിമാൻ സാഹ, ഖലീല്‍ അഹമ്മദിന് പകരം ഷഹബാസ് നദീം എന്നിവരെ ഉൾപ്പെടുത്തി. വൃദ്ധിമാൻ സാഹ ഈ സീസണിലെ ആദ്യ മത്സരത്തിനാണ് ഇന്നിറങ്ങിയത്.
