തിരുവനന്തപുരം: ഇന്ത്യ-ദക്ഷിണാഫ്രിക്ക ടി20 മത്സരത്തിന്‍റെ ആവേശത്തിലാണ് അനന്തപുരി. മത്സരത്തിനായുള്ള ഒരുക്കങ്ങളെല്ലാം കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ പൂര്‍ത്തിയായിക്കഴിഞ്ഞു. മൂന്ന് വര്‍ഷങ്ങള്‍ക്ക് ശേഷമാണ് കേരളം ഒരു അന്താരാഷ്‌ട്ര ക്രിക്കറ്റ് മത്സരത്തിന് വേദിയാകുന്നത്.
ഇതാഘോഷമാക്കി മാറ്റുകയാണ് കേരളത്തിലെ ക്രിക്കറ്റ് ആരാധകര്‍. ഇതിന്‍റെ ഭാഗമായി സ്റ്റേഡിയത്തിന് പുറത്ത് സ്ഥാപിച്ച ഇന്ത്യന്‍ ക്യാപ്റ്റന്‍ രോഹിത് ശര്‍മയുടെ കൂറ്റന്‍ കട്ടൗട്ട് ശ്രദ്ധ നേടുകയാണ്. ഓള്‍ കേരള രോഹിത് ശര്‍മ ഫാന്‍സ് അസോസിയേഷന്‍റെ പേരിലാണ് കട്ടൗട്ട് സ്ഥാപിച്ചിട്ടുള്ളത്.
-
അടികൾ പലവിധം, സെവൻസിനടി, പൂരത്തിനടി, പിന്നെ HITMAN ൻ്റെ അടി 🔥😎
— Mumbai Indians (@mipaltan) September 27, 2022 " class="align-text-top noRightClick twitterSection" data="
Welcome to Kerala, RO 💙
📸: @AKRSFAOfficial #OneFamily #INDvSA @ImRo45 pic.twitter.com/gu8yUfldkd
">അടികൾ പലവിധം, സെവൻസിനടി, പൂരത്തിനടി, പിന്നെ HITMAN ൻ്റെ അടി 🔥😎
— Mumbai Indians (@mipaltan) September 27, 2022
Welcome to Kerala, RO 💙
📸: @AKRSFAOfficial #OneFamily #INDvSA @ImRo45 pic.twitter.com/gu8yUfldkdഅടികൾ പലവിധം, സെവൻസിനടി, പൂരത്തിനടി, പിന്നെ HITMAN ൻ്റെ അടി 🔥😎
— Mumbai Indians (@mipaltan) September 27, 2022
Welcome to Kerala, RO 💙
📸: @AKRSFAOfficial #OneFamily #INDvSA @ImRo45 pic.twitter.com/gu8yUfldkd
ഇതിന്‍റെ ചിത്രം ഐപിഎല്‍ ടീം മുംബൈ ഇന്ത്യന്‍സ് തങ്ങളുടെ സോഷ്യല്‍ മീഡിയ അക്കൗണ്ടിലൂടെ പങ്കുവച്ചിട്ടുണ്ട്. ടൊവിനോ തോമസ് നായകനായി അടുത്തിടെ പുറത്തിറങ്ങിയ തല്ലുമാല എന്ന ചിത്രത്തിലെ പ്രശസ്‌തമായ ഒരു ഡയലോഗ് ചേര്‍ത്താണ് ചിത്രത്തിന് ക്യാപ്ഷന് നല്‍കിയിട്ടുള്ളത്. ഈ ചിത്രം സോഷ്യല്‍ മീഡിയയില്‍ വൈറലാണ്.
‘അടികള്‍ പലവിധം. സെവന്‍സിനടി, പൂരത്തിനടി പിന്നെ ഹിറ്റ്മാന്‍റെ അടി. Welcome to Kerala Ro’ എന്നാണ് മുംബൈ ഇന്ത്യന്‍സ് ചിത്രത്തിന് ക്യാപ്ഷന് നല്‍കിയത്. രോഹിത്തിന് പുറമെ സ്റ്റാര്‍ ബാറ്റര്‍ വിരാട് കോലിയുടേയും ഒരു ഭീമന്‍ കട്ടൗട്ടും സ്റ്റേഡിയത്തിന് പുറത്ത് സ്ഥാപിച്ചിട്ടുണ്ട്.
അതേസമയം മൂന്ന് മത്സര പരമ്പരയിലെ ആദ്യ കളിയാണ് തിരുവനന്തപുരത്ത് നടക്കുന്നത്. ഓസ്‌ട്രേലിയയ്‌ക്കെതിരായ പരമ്പര നേടിയ ഇന്ത്യ തികഞ്ഞ ആത്മവിശ്വാസത്തോടെയാണ് പ്രോട്ടീസിനെതിരെ കളിക്കാനിറങ്ങുന്നുത്. ടി20 ലോകകപ്പിന് മൂന്നോടിയായി ഇന്ത്യ കളിക്കുന്ന അവസാന ഉഭയകക്ഷി പരമ്പര കൂടിയാണിത്.
