അഹമ്മദാബാദ്: ഏകദിന ലോകകപ്പില്‍ (Cricket World Cup 2023) പാകിസ്ഥാനെതിരായ മത്സരത്തില്‍ (India vs Pakistan) രണ്ട് വിക്കറ്റുകളാണ് ഇന്ത്യന്‍ ഓള്‍ റൗണ്ടര്‍ ഹാര്‍ദിക് പാണ്ഡ്യ (Hardik Pandya) വീഴ്‌ത്തിയത്. പാകിസ്ഥാന്‍ ഓപ്പണര്‍ ഇമാം ഉൽ ഹഖ് (Imam Ul Haq), മുഹമ്മദ് നവാസ് എന്നിവരാണ് ഹാര്‍ദിക്കിന്‍റെ ഇരകളായത്. ഇതില്‍ മികച്ച ടെച്ചിലുണ്ടായിരുന്ന ഇമാം ഉൽ ഹഖിന്‍റെ മടക്കം ഗെയിം ചെയിഞ്ചറാവുകയും ചെയ്‌തു.
-
#INDvsPAK
— 🇮🇳 Brijesh Maurya🇮🇳 (@brijeshmauryasl) October 14, 2023 " class="align-text-top noRightClick twitterSection" data="
Hardik Pandya before Imam ul haq's wicket 🤔#HardikPandya #INDvsPAK #MatchHoTohZomato #RohitSharma𓃵 #siraj #viratkholi #WorldCup2023 pic.twitter.com/WtsM6nhqoo
">#INDvsPAK
— 🇮🇳 Brijesh Maurya🇮🇳 (@brijeshmauryasl) October 14, 2023
Hardik Pandya before Imam ul haq's wicket 🤔#HardikPandya #INDvsPAK #MatchHoTohZomato #RohitSharma𓃵 #siraj #viratkholi #WorldCup2023 pic.twitter.com/WtsM6nhqoo#INDvsPAK
— 🇮🇳 Brijesh Maurya🇮🇳 (@brijeshmauryasl) October 14, 2023
Hardik Pandya before Imam ul haq's wicket 🤔#HardikPandya #INDvsPAK #MatchHoTohZomato #RohitSharma𓃵 #siraj #viratkholi #WorldCup2023 pic.twitter.com/WtsM6nhqoo
താരത്തെ വീഴ്‌ത്തും മുമ്പുള്ള ഹാര്‍ദിക്കിന്‍റെ പ്രവര്‍ത്തി സോഷ്യല്‍ മീഡിയയില്‍ ചര്‍ച്ചയാവുകയാണ്. റണ്ണപ്പെടുക്കും മുമ്പ് എന്തോ മന്ത്രം ചൊല്ലുന്ന ഹാര്‍ദികിനെയാണ് കാണാന്‍ കഴിഞ്ഞത്. ഒടുവില്‍ ഹാര്‍ദിക്കിനെതിരെ ഡ്രൈവ് ഷോട്ട് കളിക്കാനുള്ള പാക് ഓപ്പണറുടെ ശ്രമം എഡ്‌ജായി വിക്കറ്റ് കീപ്പര്‍ കെഎല്‍ രാഹുലിന്‍റെ കയ്യില്‍ അവസാനിക്കുകയും ചെയ്‌തു (Hardik Pandya's magic trick before dismissing Imam Ul Haq).
എന്തായാലും ഹാര്‍ദിക്കിന്‍റെ മാജിക് കൊള്ളാമെന്നാണ് ആരാധകര്‍ പറയുന്നത്. 38 പന്തില്‍ നിന്നും 36 റണ്‍സായിരുന്നു ഇമാം ഉൽ ഹഖിന് നേടാന്‍ കഴിഞ്ഞത്. അതേസമയം ആദ്യം ബാറ്റ് ചെയ്‌ത പാകിസ്ഥാന്‍ 42.5 ഓവറില്‍ 191 റണ്‍സിന് ഓള്‍ ഔട്ടായി. 58 പന്തില്‍ 50 റണ്‍സ് നേടിയ നായകന്‍ ബാബര്‍ അസമാണ് (Babar Azam) ടീമിന്‍റെ ടോപ് സ്‌കോറര്‍. 69 പന്തില്‍ 49 റണ്‍സ് കണ്ടെത്തിയ മുഹമ്മദ് റിസ്‌വാന്‍, 38 പന്തില്‍ നിന്നും 36 റണ്‍സടിച്ച ഇമാം ഉൽ ഹഖ് എന്നിവരാണ് ഭേദപ്പെട്ട പ്രകടനം നടത്തിയ മറ്റ് താരങ്ങള്‍.
ഇന്ത്യയ്‌ക്കായി ജസ്‌പ്രീത് ബുംറ ഏഴ്‌ ഓവറില്‍ 19 റണ്‍സ് മാത്രം വഴങ്ങി രണ്ട് വിക്കറ്റുകള്‍ വീഴ്‌ത്തി. കുല്‍ദീപ് യാദവ്, മുഹമ്മദ് സിറാജ്, ഹാര്‍ദിക് പാണ്ഡ്യ, രവീന്ദ്ര ജഡേജ എന്നിവര്‍ക്കും രണ്ട് വിക്കറ്റ് വീതമുണ്ട്.
ഓപ്പണര്‍മായ അബ്‌ദുള്ള ഷഫീഖും ഇമാം ഉൽ ഹഖും ചേര്‍ന്ന് ആദ്യ വിക്കറ്റില്‍ 41 റണ്‍സാണ് പാക് ടോട്ടലില്‍ ചേര്‍ത്തത്. അബ്‌ദുള്ള ഷഫീഖിനെ (24 പന്തില്‍ 20) വിക്കറ്റിന് മുന്നില്‍ കുടുക്കി മുഹമ്മദ് സിറാജായിരുന്നു ഇന്ത്യയ്‌ക്ക് ബ്രേക്ക് ത്രൂ നല്‍കിയത്. ക്യാപ്റ്റന്‍ ബാബര്‍ അസമിനൊപ്പം 32 റണ്‍സ് കൂട്ടിച്ചേര്‍ത്ത് ഇമാം ഉൽ ഹഖും മടങ്ങി.
തുടര്‍ന്ന് ഒന്നിച്ച ബാബര്‍- മുഹമ്മദ് റിസ്‌വാന്‍ സഖ്യം മൂന്നാം വിക്കറ്റില്‍ 83 റണ്‍സ് കണ്ടെത്തി. ഇരുവരും ഏറെ ശ്രദ്ധയോടെ ബാറ്റ് വീശിയതോടെ പാക് ഇന്നിങ്‌സിന് വേഗത കുറവായിരുന്നു. അര്‍ധ സെഞ്ചുറി തികച്ചതിന് പിന്നാലെ ബാബറെ മടക്കിയ മുഹമ്മദ് സിറാജ് പാകിസ്ഥാനെ പ്രഹരിച്ചു. തുടര്‍ന്ന് സൗദ് ഷക്കീൽ (10 പന്തില്‍ 6), ഇഫ്‌തിഖർ അഹമ്മദ് (4 പന്തില്‍ 4) എന്നിവരെ മടക്കിയ കുല്‍ദീപ് യാദവ് ടീമിനെ പ്രതിരോധത്തിലാക്കി.
പിന്നാലെ മുഹമ്മദ് റിസ്‌വാന്‍റെയും ഷദാബ് ഖാന്‍റെയും (5 പന്തില്‍ 2) കുറ്റി തെറിപ്പിച്ച് ബുംറ പാകിസ്ഥാനെ കരയിപ്പിച്ചു. മുഹമ്മദ് നവാസ് (14 പന്തില്‍ 4), ഹസൻ അലി (19 പന്തില്‍ 12), ഹാരിസ് റൗഫ് (6 പന്തില്‍ 2) എന്നിവര്‍ക്കും പിടിച്ച് നില്‍ക്കാന്‍ കഴിഞ്ഞില്ല. ഷഹീൻ അഫ്രീദി (10 പന്തില്‍ 2) പുറത്താവാതെ നിന്നു.
