ന്യൂഡല്‍ഹി : പാകിസ്ഥാന്‍ മുന്‍ അമ്പയര്‍ ആസാദ് റൗഫ് (66) അന്തരിച്ചു. ഹൃദയാഘാതത്തെ തുടര്‍ന്ന് ലാഹോറിലായിരുന്നു റൗഫിന്‍റെ അന്ത്യം. 13 വര്‍ഷം നീണ്ട അമ്പയറിങ് കരിയറില്‍ 231 മത്സരങ്ങള്‍ നിയന്ത്രിച്ച് പരിചയമുള്ളയാളാണ് ആസാദ് റൗഫ്.
അലീം ദറിനൊപ്പം പാകിസ്ഥാന്‍ അമ്പയറിങ്ങിന്‍റെ ഖ്യാതി ഉയര്‍ത്തിയ വ്യക്തിത്വമാണ്. 2000ത്തില്‍ അന്താരാഷ്‌ട്ര ക്രിക്കറ്റ് മത്സരങ്ങള്‍ നിയന്ത്രിച്ച് തുടങ്ങിയ റൗഫ് 2006ലാണ് ഐസിസി എലൈറ്റ് പാനലിലെത്തിയത്. പിന്നീടുള്ള 9 വര്‍ഷത്തോളം പാകിസ്ഥാനില്‍ നിന്നുള്ള മികച്ച അമ്പയറില്‍ ഒരാളായി അദ്ദേഹം മാറി.
-
Saddened to hear about passing of Asad Rauf. Not only was he a good umpire but also had a wicked sense of humour. He always put a smile on my face and will continue to do so whenever I think about him. Many sympathies with his family for their loss.
— Ramiz Raja (@iramizraja) September 15, 2022 " class="align-text-top noRightClick twitterSection" data="
">Saddened to hear about passing of Asad Rauf. Not only was he a good umpire but also had a wicked sense of humour. He always put a smile on my face and will continue to do so whenever I think about him. Many sympathies with his family for their loss.
— Ramiz Raja (@iramizraja) September 15, 2022Saddened to hear about passing of Asad Rauf. Not only was he a good umpire but also had a wicked sense of humour. He always put a smile on my face and will continue to do so whenever I think about him. Many sympathies with his family for their loss.
— Ramiz Raja (@iramizraja) September 15, 2022
64 ടെസ്‌റ്റുകളില്‍ 49 മത്സരങ്ങള്‍ ഓണ്‍ ഫീല്‍ഡിലും 15 എണ്ണം ടിവി അമ്പയറായും റൗഫ് നിയന്ത്രിച്ചിരുന്നു. ഏകദിനങ്ങളില്‍ 139 മത്സരങ്ങളും 28 രാജ്യാന്തര ടി20കളും ആസാദ് റൗഫിന്‍റെ അമ്പയറിങ് കരിയറിലുണ്ട്. ഐപിഎല്ലില്‍ അടക്കം 89 ടി20കളും നിയന്ത്രിച്ചിട്ടുണ്ട്.
2013ല്‍ ഐപിഎല്‍ വാതുവയ്‌പ്പ് നടന്ന മത്സരത്തില്‍ കളി നിയന്ത്രിച്ചിരുന്നത് ആസാദ് റൗഫ് ആണ്. വിവാദമായ ഈ സംഭവത്തില്‍ മുംബൈ പൊലീസ് പ്രതി ചേര്‍ത്തതിനെ തുടര്‍ന്ന് ഐപിഎല്‍ പൂര്‍ത്തിയാക്കാതെ അദ്ദേഹം ഇന്ത്യ വിട്ടിരുന്നു. പിന്നാലെ തൊട്ടടുത്ത വര്‍ഷം ഐസിസി എലൈറ്റ് പാനലില്‍ നിന്ന് പുറത്തായി. ഐപിഎല്‍ വാതുവയ്‌പ്പ് കേസിന്‍റെ ഭാഗമായല്ല ആസാദ് റൗഫിനെ പുറത്താക്കിയതെന്ന് ഐസിസി പിന്നീട് വ്യക്തമാക്കിയിരുന്നു.
ഫസ്‌റ്റ് ക്ലാസ് ക്രിക്കറ്റില്‍ മധ്യനിര ബാറ്ററായിരുന്ന ആസാദ് റൗഫ് നാഷണല്‍ ബാങ്കിനും റെയില്‍വേസിനായും കളിച്ചു. ഫസ്‌റ്റ് ക്ലാസ് കരിയറില്‍ 71 മത്സരങ്ങളില്‍ 3423 റണ്‍സും 40 ലിസ്റ്റ് എ കളികളില്‍ 611 റണ്‍സും നേടിയിട്ടുണ്ട്.
