ലണ്ടൻ : 2019 എകദിന ലോകകപ്പിൽ ഇംഗ്ലണ്ടിന് കിരീടം നേടിക്കൊടുത്ത നായകൻ ഓയിന്‍ മോര്‍ഗന്‍ വിരമിക്കുന്നു. മോശം ഫോമും ഫിറ്റ്‌നസും വെല്ലുവിളി ഉയർത്തുന്നതാണ് തീരുമാനത്തിന് കാരണം. വിക്കറ്റ് കീപ്പര്‍ ജോസ് ബട്‌ലർ മോര്‍ഗന്‍റെ പിന്‍ഗാമിയായി നായകസ്ഥാനം ഏറ്റെടുക്കും എന്നാണ് സൂചന.
നെതര്‍ലന്‍ഡ്‌സിനെതിരെ നടന്ന പരമ്പരയിൽ ടീമിനെ നയിച്ചിരുന്നെങ്കിലും മികച്ച സ്കോർ കണ്ടെത്താൻ മോർഗന് കഴിഞ്ഞിരുന്നില്ല. കഴിഞ്ഞ 28 ഇന്നിങ്സുകളില്‍ നിന്ന് രണ്ട് അര്‍ധസെഞ്ച്വറി മാത്രമാണ് നേടാനായത്. ഈ വര്‍ഷം അവസാനം ഓസ്ട്രേലിയയില്‍ നടക്കുന്ന ടി20 ലോകകപ്പില്‍ ഇംഗ്ലണ്ടിനെ നയിക്കാനുള്ള ആഗ്രഹം 35കാരനായ മോര്‍ഗന്‍ നേരത്തേ പരസ്യമാക്കിയിരുന്നു.
