മാഞ്ചസ്റ്റര്‍: ഓസ്‌ട്രേലിയക്ക് എതിരായ ഏകദിന പരമ്പരയിലെ രണ്ടാമത്തെ മത്സരത്തില്‍ ടോസ് നേടിയ ഇംഗ്ലണ്ട് ബാറ്റിങ്ങ് തെരഞ്ഞെടുത്തു. മൂന്ന് മത്സരങ്ങളുള്ള പരമ്പരയില്‍ ആദ്യ മത്സരം ഓസ്‌ട്രേലിയ 19 റണ്‍സിന് വിജയിച്ചിരുന്നു.
രണ്ട് മാറ്റങ്ങളുമായാണ് ഇംഗ്ലണ്ട് ഇറങ്ങുന്നത്. മാര്‍ക്ക് വുഡ്, മോയിന്‍ അലി എന്നിവര്‍ക്ക് പകരം സാം കുറാന്‍, ടോം കുറാന്‍ എന്നിവര്‍ കളിക്കും. കാല്‍മുട്ടിന് പരിക്കേറ്റതിനെ തുടര്‍ന്നാണ് മാര്‍ക്ക് വുഡ് വിട്ടുനില്‍ക്കുന്നത്. അതേസമയം പരമ്പരയില്‍ ആദ്യ ജയം സ്വന്തമാക്കിയ ഓസിസ് മാറ്റങ്ങളില്ലാതെയാണ് ഇറങ്ങുന്നത്.
