ന്യൂഡല്‍ഹി: കൊവിഡിനെതിരായ പോരാട്ടത്തിന്‍റെ ഭാഗമായി രാജ്യത്തെ ജനങ്ങളെ ബോധവല്‍ക്കരിക്കാന്‍ മുന്നിട്ടിറങ്ങിയിരിക്കുകയാണ് ബിസിസിഐ. വൈറസ് വ്യാപനം ചെറുക്കാന്‍ മാസ്ക് ഉപയോഗിക്കേണ്ടതിന്‍റെ പ്രാധാന്യം വിളിച്ചോതികൊണ്ട് ബിസിസിഐ പുറത്തിറക്കിയ വീഡിയോയില്‍ ഇതിഹാസ താരം സച്ചിന്‍ ടെന്‍ഡുല്‍ക്കർ ഉൾപ്പെടെയുള്ളവർ അണിനിരക്കുന്നു.
ടീം മാസ്ക് ഫോഴ്സ് എന്ന പേരില്‍ പുറത്തിറക്കിയ 1 മിനുട്ട് 42 സെക്കന്‍റുള്ള വീഡിയോയില്‍ സച്ചിനെ കൂടാതെ ഇന്ത്യന്‍ നായകന്‍ വിരാട് കോലി, ബിസിസിഐ പ്രസിഡന്‍റ് സൗരവ് ഗാംഗുലി, സ്‌മൃതി മന്ദാന, രോഹിത് ശർമ, ഹർഭജന്‍ സിങ്, ഹർമന്‍ പ്രീത് കൗർ, വീരേന്ദ്ര സേവാഗ്, രാഹുല്‍ ദ്രാവിഡ്, മിതാലി രാജ് തുടങ്ങിയവരും ഭാഗമാകുന്നു. 20 സെക്കന്‍റോളം സോപ്പ് ഉപയോഗിച്ച് കൈ കഴുകേണ്ടതിന്‍റെ പ്രാധാന്യത്തെ കുറിച്ചുള്ള സച്ചന്‍റെ ബോധവല്‍ക്കരണതോടെയാണ് വീഡിയോ അവസാനിക്കുന്നത്. വീട്ടില്‍ തന്നെ മാസ്ക് നിർമിക്കാമെന്നും സർക്കാർ നിർദേശങ്ങൾ അനുസരിച്ചാല്‍ വൈറസിനെ ചെറുക്കാമെന്നും താരങ്ങൾ ഓർമപ്പെടുത്തുന്നു.
-
#TeamIndia is now #TeamMaskForce!
— BCCI (@BCCI) April 18, 2020 " class="align-text-top noRightClick twitterSection" data="
Join #IndiaFightsCorona and download @mygovindia's @SetuAarogya mobile application 📱@PMOIndia @narendramodi 🇮🇳 pic.twitter.com/M06okJhegt
">#TeamIndia is now #TeamMaskForce!
— BCCI (@BCCI) April 18, 2020
Join #IndiaFightsCorona and download @mygovindia's @SetuAarogya mobile application 📱@PMOIndia @narendramodi 🇮🇳 pic.twitter.com/M06okJhegt#TeamIndia is now #TeamMaskForce!
— BCCI (@BCCI) April 18, 2020
Join #IndiaFightsCorona and download @mygovindia's @SetuAarogya mobile application 📱@PMOIndia @narendramodi 🇮🇳 pic.twitter.com/M06okJhegt
നേരത്തെ കൊവിഡ് 19 വ്യാപനത്തെ ചെറുക്കാന്‍ പ്രധാനമന്ത്രിയുടെ ദുരിതാശ്വാസ നിധിയിലേക്ക് ബിസിസിഐ 51 കോടി രൂപ സംഭാവന ചെയ്‌തിരുന്നു. കൊവിഡ് ബാധിച്ച് രാജ്യത്ത് ഇതിനകം 496 പേർ മരിച്ചു. 14,500 പേർക്ക് വൈറസ് ബാധ സ്ഥിരീകരിക്കുകയും ചെയ്‌തു. ചൈനയിലെ വുഹാനിലാണ് കൊവിഡ് 19 ആദ്യമായി പൊട്ടി പുറപ്പെട്ടത്.
