പാരിസ് : ഫ്രഞ്ച് ഓപ്പൺ ബാഡ്‌മിന്‍റൺ ടൂർണമെന്‍റിന്‍റെ സെമി ഫൈനലിൽ ഇന്ത്യൻ സൂപ്പർ താരം പി.വി സിന്ധുവിന് തോൽവി. ലോക 15-ാം നമ്പർ താരമായ തകാഹാഷിയോട് 2-1 നായിരുന്നു സിന്ധുവിന്‍റെ തോൽവി. സ്കോർ 21-18, 16-21, 12-21.
കനത്ത മത്സരത്തിനൊടുവിലാണ് സിന്ധു തോൽവി വഴങ്ങിയത്. ആദ്യ സെറ്റ് മികച്ച മുന്നേറ്റങ്ങളോടെ താരം സ്വന്തമാക്കിയെങ്കിലും തുടർന്നുള്ള രണ്ടെണ്ണം വ്യക്‌തമായ മുൻതൂക്കത്തോടെ തകാഹാഷി വിജയിക്കുകയായിരുന്നു.
ALSO READ : 'മതത്തിന്‍റെ പേരിൽ ആക്രമിക്കുന്നവർ നട്ടെല്ലില്ലാത്തവർ'; ഷമിയെ തുണച്ച് വിരാട് കോലി
നേരത്തെ മറ്റൊരു ഇന്ത്യൻ താരമായ കിഡംബി ശ്രീകാന്ത് ആദ്യ റൗണ്ടിൽ തന്നെ തോൽവി വഴങ്ങിയിരുന്നു. ജപ്പാന്‍റെ ലോക ഒന്നാം നമ്പർ താരം കെന്‍റോ മൊമോടിടോയോട് 2-1 നായിരുന്നു പരാജയം. മൊമോടിടോക്കെതിരെ ശ്രീകാന്തിന്‍റെ തുടർച്ചയായ 11-ാം തോൽവിയാണിത്.
