തെന്നിന്ത്യയുടെ പ്രിയപ്പെട്ട ജോഡികളാണ് നയൻതാരയും വിഘ്നേഷ് ശിവനും. കഴിഞ്ഞ ആറ് വർഷങ്ങളായി ഇരുവരും തമ്മിൽ പ്രണയത്തിലാണ്. ഇപ്പോഴിതാ, വിഘ്നേഷ് ശിവൻ സമൂഹമാധ്യമങ്ങളിൽ പങ്കുവച്ച പുതിയ ചിത്രമാണ് ആരാധകർ ഏറ്റെടുത്തിരിക്കുന്നത്. വിഘ്നേഷിന്‍റെ നെഞ്ചോട് ചേർത്ത് കൈവച്ച് നിൽക്കുന്ന നയൻതാരയുടെ ചിത്രം. നയൻതാരയുടെ മോതിര വിരലിൽ ഒരു മോതിരവുമുണ്ട്. ചിത്രം പങ്കുവെച്ചുകൊണ്ട് "വിരലിൽ ജീവൻ കോർത്തു" എന്ന് കുറിച്ചുകൊണ്ടാണ് വിഗ്നേഷ് ചിത്രം പങ്കുവെച്ചിരിക്കുന്നത്.
നയൻതാരയുടെയും വിഘ്നേഷിന്‍റെയും വിവാഹ നിശ്ചയം കഴിഞ്ഞോ എന്നാണ് ആരാധകർ പോസ്റ്റിന് കമന്‍റായി കുറിച്ചത്. ഒപ്പം, പ്രണയജോഡികൾക്ക് നിരവധി പേർ ആശംസകളും അറിയിച്ചു.
- " class="align-text-top noRightClick twitterSection" data="
">
നാനും റൗഡി താൻ എന്ന ചിത്രത്തിൽ വച്ചാണ് നയൻതാരയും വിഘ്നേഷ് ശിവനും തമ്മിൽ പ്രണയത്തിലാകുന്നത്. സിനിമയുടെ സംവിധായകനായിരുന്നു വിഘ്നേഷ് ശിവൻ. പിന്നീട്, വിഘ്നേഷ് ശിവന്‍റെ നിർമാണത്തിൽ ഒരുങ്ങിയ ചിത്രങ്ങളിൽ നയൻതാര അഭിനയിച്ചിട്ടുണ്ട്. ആർജെ ബാലാജിക്കൊപ്പമുള്ള മൂക്കുത്തി അമ്മാനാണ് നയൻതാരയുടെ ഒടുവിൽ പുറത്തിറങ്ങിയ ചിത്രം. മലയാളത്തിൽ കുഞ്ചാക്കോ ബോബൻ നായകനാകുന്ന നിഴൽ എന്ന ചിത്രത്തിൽ നയൻതാരയും കേന്ദ്രവേഷം അവതരിപ്പിക്കുന്നുണ്ട്. ചിത്രം ഈസ്റ്റർ റിലീസായി പുറത്തിറങ്ങും.
