ആയുഷ്‌മാന്‍ ഖുറാന കേന്ദ്ര കഥാപാത്രത്തെ അവതരിപ്പിച്ച ഹിന്ദി ചിത്രം വിക്കി ഡോണർ തമിഴിലേക്കും. 'ധാരാള പ്രഭു' എന്ന തമിഴ് കോമഡി ചിത്രത്തിന്‍റെ ട്രെയിലർ പുറത്തിറക്കി. ഹരിഷ് കല്യാണ്‍ നായകനായി എത്തുന്ന ചിത്രത്തില്‍ ഹാസ്യ നടൻ വിവേകും മുഖ്യ വേഷത്തെ അവതരിപ്പിക്കുന്നുണ്ട്. ടാന്യ ഹോപ്പ് ആണ് നായിക. കൃഷ്ണ മാരിമുത്തു സംവിധാനം ചെയ്യുന്ന ചിത്രം ബീജ ദാനം, വന്ധ്യത എന്നീ വിഷയങ്ങളെയാണ് പ്രമേയമാക്കുന്നത്.
- " class="align-text-top noRightClick twitterSection" data="">
സെല്‍വകുമാര്‍ എസ്‌.കെയാണ് ധാരാള പ്രഭുവിന്‍റെ ഛായാഗ്രഹകൻ. ചിത്രത്തിന്‍റെ എഡിറ്റിങ് കൃപാകരന്‍ നിർവഹിക്കുന്നു. സ്‌ക്രീന്‍ സീന്‍ മീഡിയ എന്‍റര്‍ടൈന്‍മെന്‍റ് ആണ് ചിത്രം നിർമിക്കുന്നത്. മാർച്ചിൽ ചിത്രം പ്രദര്‍ശനത്തിനെത്തും.
