'സഹോദരി നിനക്ക് ഇങ്ങനെ സംഭവിച്ചതില്‍ ഖേദിക്കുന്നു' ദിഷ രവിക്ക് ഐക്യദാർഢ്യവുമായി നടൻ സിദ്ധാർഥ്

'ഞങ്ങൾ എല്ലാവരും നിങ്ങളോടൊപ്പമുണ്ട്. ശക്തമായി തുടരുക. ഈ അനീതിയും കടന്നുപോകും' എന്നാണ് സിദ്ധാര്‍ഥ് ട്വീറ്റ് ചെയ്‌തത്.

കർഷകരുടെ പ്രതിഷേധവുമായി ബന്ധപ്പെട്ട ടൂൾകിറ്റ് പ്രചരിപ്പിച്ചതിൽ പങ്കുണ്ടെന്ന് ആരോപിച്ച് കാലാവസ്ഥ പ്രവർത്തക ദിഷ രവിയെ കഴിഞ്ഞ ദിവസം പൊലീസ് അറസ്റ്റ് ചെയ്‌തിരുന്നു. ഫ്രൈ​ഡേ ഫോ​ർ ഫ്യൂ​ച്ച​ർ കാ​മ്പ​യിന്‍റെ ഇ​ന്ത്യ​യി​ലെ സ്ഥാ​പ​ക പ്ര​വ​ർ​ത്ത​ക​രി​ലൊ​രാ​ളാ​യ ദിഷ ര​വിയെ അറസ്റ്റ് ചെയ്തതില്‍ പ്രതിഷേധിച്ചും എന്നും ദിഷക്കൊപ്പമായിരിക്കുമെന്ന് അറിയിച്ചും ട്വീറ്റ് പങ്കുവെച്ചിരിക്കുകയാണ് തമിഴ് നടന്‍ സിദ്ധാര്‍ഥ്.

'ദിഷാ രവിക്ക് ഐക്യദാര്‍ഢ്യവും പിന്തുണയുമായി എന്നും ഉണ്ടാകും... 'ക്ഷമിക്കണം, ഇത് നിങ്ങൾക്ക് സംഭവിച്ചതില്‍ സഹോദരി'. ഞങ്ങൾ എല്ലാവരും നിങ്ങളോടൊപ്പമുണ്ട്. ശക്തമായി തുടരുക. ഈ അനീതിയും കടന്നുപോകും...' എന്നാണ് സിദ്ധാര്‍ഥ് കുറിച്ചത്. മുമ്പും കര്‍ഷക സമരത്തെ പിന്തുണച്ച് തന്‍റെ അഭിപ്രായം മുഖം നോക്കാതെ പറഞ്ഞിട്ടുള്ള തെന്നിന്ത്യന്‍ നടനാണ് സിദ്ധാര്‍ഥ്. സിദ്ധാര്‍ഥ് മാത്രമല്ല... ഡെമോക്രാറ്റിക്​ പാർട്ടി പ്രവർത്തക മീന ഹാരിസ്​, അമേരിക്കൻ മാധ്യമ പ്രവർത്തകരായ നികൊളസ്​ ഡേവ്​സ്​, ആദം റോബർട്​സ്​ എന്നിവരും അറസ്റ്റില്‍ പ്രതിഷേധം പ്രകടിപ്പിച്ച് രംഗത്തെത്തിയിട്ടുണ്ട്.

• Standing unconditionally in solidarity and support with #DishaRavi. I'm so sorry this happened to you sister. We are all with you. Stay strong. This injustice too shall pass. #shameondelhipolice

  — Siddharth (@Actor_Siddharth) February 14, 2021 " class="align-text-top noRightClick twitterSection" data="

  Standing unconditionally in solidarity and support with #DishaRavi. I'm so sorry this happened to you sister. We are all with you. Stay strong. This injustice too shall pass. #shameondelhipolice

  — Siddharth (@Actor_Siddharth) February 14, 2021

  ">

  Standing unconditionally in solidarity and support with #DishaRavi. I'm so sorry this happened to you sister. We are all with you. Stay strong. This injustice too shall pass. #shameondelhipolice

  — Siddharth (@Actor_Siddharth) February 14, 2021

ബം​ഗ​ളൂ​രു​വി​ലെ സൊ​ല​ദേ​വ​ന​ഹ​ള്ളി​യി​ലെ വീ​ട്ടി​ൽ​നി​ന്ന്​ ശ​നി​യാ​ഴ്ച രാ​വി​ലെ​യാ​ണ് ഡ​ൽ​ഹി പൊ​ലീ​സ് ദിഷയെ ക​സ്​​റ്റ​ഡി​യി​ലെ​ടു​ത്ത​ത്. ഡൽഹി പൊലീസിന്‍റെ സൈബർ സെല്ലാണ് ദിഷ രവിയെ അറസ്റ്റ് ചെയ്തത്. കർഷക സമരവുമായി ബന്ധപ്പെട്ട് പരിസ്ഥിതി പ്രവർത്തകയായ ​ഗ്രേറ്റ തെന്‍ബര്‍ഗിന്‍റെ ട്വീറ്റാണ് കേസിന് ആധാരം. ജനുവരി 26ന് നടന്ന കർഷക പ്രക്ഷോഭങ്ങൾക്ക് പിന്തുണ അറിയിച്ച് ​ഗ്രേറ്റ ഒരു ടൂൾകിറ്റ് ട്വീറ്റ് ചെയ്തിരുന്നു. കർഷക സമരങ്ങളെ പിന്തുണയ്ക്കാൻ ആ​ഗ്രഹിക്കുന്നവർ അറിയേണ്ടതും അവർ ചെയ്യേണ്ടതുമായ കാര്യങ്ങൾ സംബന്ധിച്ച വിവരങ്ങളാണ് കിറ്റിലുണ്ടായിരുന്നത്. സംഭവം വിവാദമായതോടെ ​ഗ്രേറ്റ ഈ ട്വീറ്റ് പിൻവലിക്കുകയും പുതിയ ടൂൾ കിറ്റ് ട്വീറ്റ് ചെയ്യുകയും ചെയ്തിരുന്നു.