ദൃശ്യം രണ്ടാം ഭാഗം കണ്ട് ത്രില്ലടിച്ച് ക്രിക്കറ്റ് താരം ആര്‍.അശ്വിന്‍, ട്വീറ്റ് ഏറ്റെടുത്ത് മലയാളികള്‍

ദൃശ്യം 2 ഗംഭീര സിനിമയാണെന്നും ഇതുവരെ കാണാത്തവര്‍ ഒന്നും രണ്ടും ഭാഗങ്ങള്‍ കാണണമെന്നുമാണ് ആര്‍.അശ്വിന്‍ ട്വിറ്ററില്‍ കുറിച്ചത്

കഴിഞ്ഞ കുറച്ച് ദിവസങ്ങളായി ദൃശ്യം എഫക്ടാണ് സോഷ്യല്‍മീഡിയ പേജുകളിലെല്ലാം. സിനിമയുടെ നിരൂപണങ്ങളും ട്രോളുകളും അണിയറപ്രവര്‍ത്തനങ്ങള്‍ക്കുള്ള അഭിനന്ദനങ്ങളുമാണ് സോഷ്യല്‍മീഡിയ നിറയെ. കായിക മേഖലയില്‍ പോലും ദൃശ്യം 2 ഇപ്പോള്‍ ചര്‍ച്ചയാണ്. രണ്ട് ദിവസം മുമ്പ് ഇംഗ്ലീഷ് പ്രീമിയര്‍ ലീഗ് ടീം ടോട്ടനം ഹോട്‌സ്‌പറിന്‍റെ ഫേസ്ബുക്ക് പേജില്‍ ദൃശ്യത്തിന്‍റെ ഡയലോഗ് എത്തിയിരുന്നു. ദക്ഷിണ കൊറിയൻ താരം സൺ ഹ്യൂങ് മിന്നിന്‍റെ ചിത്രത്തിനൊപ്പമാണ് മാസ് ഡയലോ​ഗ് കുറിച്ചിരിക്കുന്നത്. പോസ്റ്റ് മലയാളികളും ഏറ്റെടുത്തു. 'അയാൾ അയാളുടെ ടീമിനെ സഹായിക്കാൻ ഏതറ്റം വരെയും പോകും' എന്നായിരുന്നു താരത്തിന്‍റെ ഫോട്ടോയ്‌ക്കൊപ്പമുണ്ടായിരുന്ന ക്യാപ്ഷൻ. പോസ്റ്റ് കണ്ടയുടൻ മലയാളികള്‍ പോസ്റ്റിനെ ലൈക്കും ഷെയറും കമന്‍റും കൊണ്ട് മൂടി. ഇപ്പോള്‍ ഇന്ത്യന്‍ ക്രിക്കറ്റ് താരം രവിചന്ദ്രന്‍ അശ്വിനും ദൃശ്യം 2വിനെ അഭിനന്ദിച്ച്‌ രംഗത്ത് എത്തിയിരിക്കുകയാണ്. ദൃശ്യം 2 ഗംഭീര സിനിമയാണെന്നും ഇതുവരെ കാണാത്തവര്‍ ഒന്നും രണ്ടും ഭാഗങ്ങള്‍ കാണണമെന്നുമാണ് അശ്വിന്‍ ട്വിറ്ററില്‍ കുറിച്ചത്.

• I laughed out loud when George Kutty @Mohanlal created that twist in the court #Drishyam2 . If you guys dint, please start all over again from #Drishyam1. Fabulous!! Just fabulous👏👏👏👏

  — Ashwin 🇮🇳 (@ashwinravi99) February 21, 2021 " class="align-text-top noRightClick twitterSection" data="

  I laughed out loud when George Kutty @Mohanlal created that twist in the court #Drishyam2 . If you guys dint, please start all over again from #Drishyam1. Fabulous!! Just fabulous👏👏👏👏

  — Ashwin 🇮🇳 (@ashwinravi99) February 21, 2021

  ">

  I laughed out loud when George Kutty @Mohanlal created that twist in the court #Drishyam2 . If you guys dint, please start all over again from #Drishyam1. Fabulous!! Just fabulous👏👏👏👏

  — Ashwin 🇮🇳 (@ashwinravi99) February 21, 2021

'ദൃശ്യം രണ്ടില്‍ മോഹന്‍ലാല്‍ അവതരിപ്പിച്ച ജോര്‍ജ്‌കുട്ടി കോടതിക്കുള്ളില്‍ സൃഷ്ടിച്ച ട്വിസ്റ്റ് കണ്ട് ഉച്ചത്തില്‍ ചിരിച്ച് പോയി. ഇതുവരെ കാണാത്തവര്‍ ദൃശ്യം ഒന്ന് മുതല്‍ കാണുക. മികച്ച ചിത്രമാണ്.... വളരെ മികച്ച ചിത്രം' അശ്വിന്‍ ട്വിറ്ററില്‍ കുറിച്ചു. ജീത്തു ജോസഫ് സംവിധാനം ചെയ്‌ത ആശിര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂരാണ് ചിത്രം നിര്‍മിച്ചത്. ആദ്യഭാഗത്തിലെ അഭിനേതാക്കള്‍ക്ക് പുറമെ മുരളി ഗോപി, കൃഷ്ണ പ്രഭ തുടങ്ങിയവരും രണ്ടാം ഭാഗത്തില്‍ വേഷമിട്ടിട്ടുണ്ട്.