Mallika Sukumaran crying video: സഹപ്രവര്ത്തകയുടെ ഭൗതിക ശരീരം കണ്ട് പൊട്ടിക്കരഞ്ഞ് മല്ലിക സുകുമാരന്. പൃഥ്വിരാജിനൊപ്പം കെപിഎസി ലളിതക്ക് ആദരാഞ്ജലികള് അര്പ്പിക്കാന് എത്തിയപ്പോഴാണ് മല്ലിക സുകുമാരന് പൊട്ടിക്കരഞ്ഞത്. തൃപ്പൂണിത്തുറ ലായം റോഡിലെ കൂത്തമ്പലത്തില് എത്തിയാണ് ഇരുവരും പ്രിയ നടിക്ക് ആദരാഞ്ജലികള് അര്പ്പിച്ചത്.
കെപിഎസി ലളിതയുടെ വിയോഗത്തില് നിരവധി താരങ്ങളാണ് പ്രതികരിച്ചിരിക്കുന്നത്. മമ്മൂട്ടി, മോഹന്ലാല്, ദുല്ഖര് സല്മാന് ഉള്പ്പെടെ നിരവധി താരങ്ങളാണ് നടിയുടെ നിര്യാണത്തില് അനുശോചനം രേഖപ്പെടുത്തി രംഗത്തെത്തിയത്. നടന് പൃഥ്വിരാജും ഇന്ദ്രജിത്തും കെപിഎസി ലളിതയുടെ വിയോഗ വാര്ത്തയില് പ്രതികരിച്ചിരിക്കുകയാണ്.
- " class="align-text-top noRightClick twitterSection" data="">
കെപിഎസി ലളിതക്കൊപ്പം അഭിനയിക്കാന് കഴിഞ്ഞത് ഭാഗ്യമാണെന്നാണ് പൃഥ്വിരാജ് പറയുന്നത്. ലളിത ആന്റിയെ എന്നന്നേയ്ക്കുമായി മിസ് ചെയ്യുമെന്ന് ഇന്ദ്രജിത്തും കുറിച്ചു. ഫേസ്ബുക്കിലൂടെയായിരുന്നു ഇരുവരുടെയും പ്രതികരണം.