Hridayam third song released : പ്രണവ്‌ മോഹന്‍ലാലിനെ നായകനാക്കി വിനീത് ശ്രീനിവാസന്‍ സംവിധാനം ചെയ്യുന്ന 'ഹൃദയ'ത്തിലെ പുതിയ ഗാനം പുറത്തിറങ്ങി. മോഹന്‍ലാല്‍, പ്രണവ്‌ മോഹന്‍ലാല്‍, വിനീത് ശ്രീനിവാസന്‍ തുടങ്ങിയവര്‍ തങ്ങളുടെ ഔദ്യോഗിക ഫേസ്‌ബുക്ക് പേജിലൂടെയാണ് 'ഹൃദയ'ത്തിലെ മൂന്നാമത്തെ ഗാനം പുറത്തുവിട്ടത്.
Onakka Munthiri gets 1 million views : ചിത്രത്തിലെ 'ഉണക്ക മുന്തിരി' എന്ന്‌ തുടങ്ങുന്ന ഗാനമാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത്. വിനീത് ശ്രീനിവാസന്‍റെ വരികള്‍ക്ക് ഭാര്യ ദിവ്യയാണ് ഗാനാലാപനം. ഹിഷാം അബ്‌ദുല്‍ വഹാബ്‌ ആണ് സംഗീതം. ഭാര്യയും ഭര്‍ത്താവും തമ്മിലുള്ള ബന്ധം സൂചിപ്പിക്കുന്ന തലശ്ശേരി സ്‌റ്റൈലിലുള്ള വിനീതിന്‍റെ പുതിയ പരീക്ഷണം വിജയിച്ചിരിക്കുകയാണ്. നിമിഷ നേരം കൊണ്ട് ഗാനം സോഷ്യല്‍ മീഡിയയില്‍ തരംഗമായി മാറിയിരിക്കുകയാണ്. ഒരു മില്യണിലധികം കാഴ്‌ചക്കാരാണ് ഒരു ദിവസം തികയും മുമ്പേ 'ഉണക്ക മുന്തിരി' കണ്ടിരിക്കുന്നത്.
- " class="align-text-top noRightClick twitterSection" data="">
Hridayam Darshana song : നേരത്തെ പുറത്തിറങ്ങിയ 'ദര്‍ശന' എന്ന ഗാനവും ആരാധകര്‍ ഇരുകരങ്ങളും നീട്ടി സ്വീകരിച്ചിരുന്നു. പിന്നീടിറങ്ങിയ 'അരികെ' എന്ന ഗാനവും പ്രേക്ഷക ഹൃദയങ്ങളില്‍ ഇടം പിടിച്ചു. മനോഹരമായൊരു പ്രണയ കഥയാകും ചിത്രം പറയുന്നതെന്നാണ് ഇതുവരെ പുറത്തിറങ്ങിയ ഗാനങ്ങള്‍ നല്‍കുന്ന സൂചന.
Hridayam movie full songs : സംഗീതത്തിന് ഏറെ പ്രാധാന്യമുള്ള ചിത്രത്തില്‍ ആകെ 15 ഗാനങ്ങളാണുള്ളത്. ഗാനങ്ങളുടെ ഓഡിയോ കാസറ്റ്‌ ആയും, സിഡി ആയും അണിയറപ്രവര്‍ത്തകര്‍ പുറത്തിറക്കുന്നുണ്ട്. കൈതപ്രം, വിനീത്, അരുണ്‍ ആലാട്ട്, ബുല്ലേ ഷാ എന്നിവരുടെ വരികള്‍ക്ക് ഹിഷാം അബ്‌ദുല്‍ വഹാബ്‌ ആണ് സംഗീതം.
Hridayam teaser : നേരത്തെ പുറത്തിറങ്ങിയ ചിത്രത്തിലെ ടീസറും ശ്രദ്ധേയമായിരുന്നു. കോളജ് ജീവിതത്തിന് ശേഷം പിരിയാന്‍ ഒരുങ്ങുന്ന പ്രണവും ദര്‍ശനയും ഒന്നിച്ചുള്ള നിമിഷങ്ങളായിരുന്നു ടീസറില്‍. ഒരു റെയില്‍വേ പ്ലാറ്റ്‌ഫോമില്‍ വച്ചുള്ള ഇരുവരുടെയും വൈകാരിക നിമിഷങ്ങള്‍ പ്രേക്ഷകര്‍ ഇരുകരങ്ങളും നീട്ടി സ്വീകരിച്ചിരുന്നു.
Hridayam cast and crew : ദര്‍ശനയും കല്യാണി പ്രിയദര്‍ശനുമാണ് ചിത്രത്തില്‍ പ്രണവിന്‍റെ നായികയായെത്തുന്നത്. ഇവരെ കൂടാതെ അജു വര്‍ഗീസ്, ബൈജു സന്തോഷ്, അരുണ്‍ കുര്യന്‍, വിജയരാഘവന്‍ തുടങ്ങിയവരും ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കും.
മെറിലാന്‍ഡ് സിനിമാസിന്‍റെ ബാനറില്‍ വിശാഖ്‌ സുബ്രഹ്മണ്യമാണ് ചിത്രത്തിന്‍റെ നിര്‍മ്മാണം. 'ജേക്കബിന്‍റെ സ്വര്‍ഗരാജ്യം' പുറത്തിറങ്ങി അഞ്ച് വര്‍ഷങ്ങള്‍ക്ക് ശേഷം വിനീത് ശ്രീനിവാസന്‍ സംവിധാനം ചെയ്യുന്ന ചിത്രം കൂടിയാണിത്. ഒരു കാലത്ത് മലയാള സിനിമയിലെ പ്രശസ്‌ത ബാനറായിരുന്ന മെറിലാന്‍ഡിന്‍റെ നീണ്ട 42 വര്‍ഷത്തെ ഇടവേളയ്‌ക്ക് ശേഷമുള്ള തിരിച്ചുവരവ് കൂടിയാണ് 'ഹൃദയം'.
വിശ്വജിത്ത് ഒടുക്കത്തില്‍ ആണ് ഛായാഗ്രഹണം. എഡിറ്റിംഗ്‌ രഞ്ജന്‍ എബ്രഹാമും, വസ്‌ത്രാലങ്കാരം ദിവ്യ ജോര്‍ജും, സംഘട്ടനം മാഫിയ ശശിയും, ചമയം ഹസന്‍ വണ്ടൂരും നിര്‍വഹിക്കും. അനില്‍ എബ്രഹാം ആണ് ചീഫ് അസോസിയേറ്റ് ഡയറക്‌ടര്‍. ആന്‍റണി തോമസ് മാങ്കാലി അസോസിയേറ്റ് ഡയറക്‌ടറുമാണ്. 2022 ജനുവരി 21നാണ് 'ഹൃദയം' പ്രേക്ഷകര്‍ക്ക് മുമ്പിലെത്തുന്നത്.
Also Read : Rana Daggubati birthday: പിറന്നാള്‍ നിറവില്‍ റാണ ദഗുബതി; ബ്രോയുടെ ചിത്രവുമായി അനുഷ്‌ക
