മോഹൻലാലിനെ സ്ക്രീനില്‍ കാണിക്കുമ്പോള്‍ ആരാധാകര്‍ എത്ര ആവേശത്തോടെ എഴുന്നേറ്റ് നിന്ന് കൈയടിക്കുമോ അതേ ആവേശത്തില്‍ ഷാജി കൈലാസ് എന്ന സംവിധായകന്‍റെ പേര് കാണിക്കുമ്പോഴും പ്രേക്ഷകര്‍ അത്യാവേശം കൊള്ളും.
ആറാം തമ്പുരാൻ, താണ്ഡവം, അലിഭായ്, ബാബ കല്യാണി, നാട്ടുരാജാവ്, നരസിംഹം, റെഡ് ചില്ലീസ് ഇങ്ങനെ നീണ്ടു പോകുന്നു ഇരുവരും തീര്‍ത്ത ഹിറ്റുകള്‍. മോഹൻലാല്‍ ആരാധകര്‍ക്ക് മാത്രമല്ല, മലയാള സിനിമയെ ഇഷ്‌ടപ്പെടുന്ന ഏവരും കൊതിക്കുന്ന കോമ്പോയാണ് മോഹൻലാല്‍ - ഷാജി കൈലാസ്. നീണ്ട ഇടവേളക്ക് ശേഷം ഇവര്‍ വീണ്ടും ഒന്നിക്കുന്നു.
- " class="align-text-top noRightClick twitterSection" data="">
തന്‍റെ ഏറ്റവും പുതിയ ചിത്രം ഷാജി കൈലാസിന് ഒപ്പമാണെന്ന് മോഹൻലാൽ അറിയിച്ചു. ഷാജി കൈലാസ് സംവിധാനം ചെയ്യുന്ന ചിത്രം ആശീർവാദ് സിനിമാസിന്‍റെ ബാനറിൽ ആന്‍റണി പെരുമ്പാവൂർ നിർമിക്കുന്നു. രാജേഷ് ജയറാം ആണ് തിരക്കഥ. ചിത്രത്തിന്‍റെ ഷൂട്ടിങ് അടുത്ത മാസം ആരംഭിക്കുമെന്നും, താരനിർണയം നടന്നു കൊണ്ടിരിക്കുകയാണെന്നും അണിയറപ്രവർത്തകർ അറിയിച്ചു.
മോഹൻലാലിന്‍റെ പഞ്ച് ഡയലോഗുകളും ആക്ഷൻ രംഗങ്ങളും കോർത്തിണക്കി മോഹന്‍ലാല്‍- ഷാജി കൈലാസ് കൂട്ടുകെട്ടിൽ നിരവധി ചിത്രങ്ങളാണ് മലയാളത്തിന് ലഭിച്ചിട്ടുള്ളത്. റെഡ് ചില്ലീസ് എന്ന ചിത്രം പുറത്തിറങ്ങി പന്ത്രണ്ട് വർഷങ്ങൾക്ക് വീണ്ടും ഹിറ്റ് കൂട്ടുകെട്ട് ഒന്നിക്കുമ്പോൾ ആരാധകരും വലിയ പ്രതീക്ഷയിലാണ്.
Also Read: 'വീണ്ടും ചിലത് തെളിയിക്കാൻ ഞങ്ങളെത്തും' ; ആശംസാകുറിപ്പിനൊപ്പം സിബിഐ5 പ്രഖ്യാപിച്ച് കെ.മധു
ഷാജി കൈലാസിന്‍റെ നരസിംഹം ആയിരുന്നു ആശിർവാദ് സിനിമാസ് ആദ്യമായി നിർമിച്ച ചിത്രമെന്ന പ്രത്യേകതയുമുണ്ട്.
