പ്രായം വെറുമൊരു നമ്പർ മാത്രമെന്ന് വീണ്ടും വീണ്ടും തെളിയിക്കുകയാണ് മെഗാസ്റ്റാർ മമ്മൂട്ടി. ഇപ്പോഴിതാ, ബ്ലാക്ക് ആൻഡ് വൈറ്റിലുള്ള തന്‍റെ പുതുപുത്തൽ ഫോട്ടോയാണ് ബിഗ് എം സമൂഹമാധ്യമങ്ങളിൽ പങ്കുവച്ചത്. പോസ്റ്റ് ചെയ്‌ത് നിമിഷങ്ങൾക്കകം ട്രെൻഡായി മാറിയിരിക്കുകയാണ് മമ്മൂട്ടിയുടെ ഈ സ്റ്റൈലിഷ് ലുക്കിലുള്ള ചിത്രം. ലൈക്കുകളും കമന്‍റുകളും ഒപ്പം ഷെയർ ചെയ്‌തും സമൂഹമാധ്യമങ്ങൾ ചിത്രം ഏറ്റെടുത്തുകഴിഞ്ഞു.
വെള്ള ടീ- ഷർട്ട് ധരിച്ച് ചുറുചുറുക്കൻ യുവാവിനെ പോലെയാണ് മമ്മൂട്ടിയെ ഫോട്ടോയിൽ കാണാനാവുന്നത്.
- " class="align-text-top noRightClick twitterSection" data="
">
മലയാളത്തിലെ പ്രശസ്‌ത വാരികയുടെ കവർചിത്രത്തിനായുള്ള ഫോട്ടോഷൂട്ടാണിത്. ബ്ലാക്ക് ആൻഡ് വൈറ്റ് എന്ന് കുറിച്ചുകൊണ്ട് മമ്മൂട്ടി പങ്കുവച്ച ചിത്രത്തിന്‍റെ ഫോട്ടോഗ്രാഫറെയും താരം പരിചയപ്പെടുത്തുന്നുണ്ട്. നടനും ഫോട്ടോഗ്രാഫറുമായ ഷാനി ഷാകിയാണ് സ്റ്റൈലിഷ് മമ്മൂട്ടിയെ കാമറയിലാക്കിയത്.
More Read: ഹൃദയംഗമമായ ആദരവും ഒരു പൂക്കൂടയും ; ശ്രീജേഷിനെ നേരിട്ട് വീട്ടിലെത്തി അഭിനന്ദിച്ച് മമ്മൂട്ടി
ചിട്ടയായ ആരോഗ്യശൈലിയിലൂടെയും പരിപാലനത്തിലൂടെയും 69-ാം വയസിലും കൂൾ ലുക്കിലുള്ള മെഗാസ്റ്റാറിന്‍റെ ഫോട്ടോകൾക്ക് ആരാധകർ വലിയ സ്വീകാര്യതയാണ് നൽകുന്നത്.
അൻപത് വർഷങ്ങൾക്ക് മുൻപ് അനുഭവങ്ങൾ പാളിച്ചകൾ എന്ന ചിത്രത്തിലെ ആൾക്കൂട്ടത്തിൽ ഒരുവനായി വന്ന മമ്മൂട്ടി പിന്നീട് മൂന്ന് ദേശീയ അവാർഡുകളടക്കം ഇന്ത്യൻ സിനിമയുടെ അഭിഭാജ്യമുഖമായി.
