അക്ഷയ് രാധാകൃഷ്ണന്‍റെ വീരനെ കാണാനില്ല, കണ്ടെത്തുന്നവര്‍ക്ക് പ്രതിഫലം പ്രഖ്യാപിച്ച് നടന്‍

ഇന്നലെ മുതലാണ് നായയെ കാണാതായത്. നായയുടെ ഫോട്ടോയും അടയാളങ്ങളും ഉള്‍പ്പെടുത്തി തയ്യാറാക്കിയ പോസ്റ്റാണ് അക്ഷയ് സോഷ്യല്‍ മീഡിയയില്‍ പങ്കുവച്ചിരിക്കുന്നത്.

പതിനെട്ടാം പടിയെന്ന മലയാള ചിത്രത്തില്‍ കേന്ദ്ര കഥാപാത്രത്തെ അവതരിപ്പിച്ച് ശ്രദ്ധേയനായ യുവനടനാണ് അക്ഷയ് രാധാകൃഷ്ണന്‍. ഇപ്പോള്‍ താരം പങ്കുവെച്ചൊരു ഫേസ്ബുക്ക് പോസ്റ്റാണ് വൈറലാകുന്നത്. താരത്തിന്‍റെ വീരന്‍ എന്ന് പേരുള്ള വളര്‍ത്തുനായയെ കാണാനില്ലെന്നും കണ്ടെത്തി നല്‍കുന്നവര്‍ക്ക് പ്രതിഫലവുമാണ് താരം പ്രഖ്യാപിച്ചിരിക്കുന്നത്. ഇന്നലെ മുതലാണ് നായയെ കാണാതായത്. നായയുടെ ഫോട്ടോയും അടയാളങ്ങളും ഉള്‍പ്പെടുത്തി തയാറാക്കിയ പോസ്റ്റാണ് അക്ഷയ് സോഷ്യല്‍ മീഡിയയില്‍ പങ്കുവച്ചിരിക്കുന്നത്.

• " class="align-text-top noRightClick twitterSection" data="">

'ഇന്നലെ മുതല്‍ കാണ്‍മാനില്ല. സ്ഥലം ആലുവ, ചൂര്‍ണ്ണിക്കര ഗ്രാമപഞ്ചായത്ത്. എന്തെങ്കിലും വിവരം കിട്ടിയാല്‍ അറിയിക്കുക. അടയാളം- വലത്തെ ചെവി വളഞ്ഞ് ഇരിക്കുന്നു. ബെല്‍റ്റ്, ചെയിന്‍ എന്നിവ ധരിച്ചിട്ടില്ല' ഫോണ്‍ നമ്പറും താരം പോസ്റ്റിനൊപ്പം നല്‍കിയിട്ടുണ്ട്.

ഒരു പരിപാടിയില്‍ പങ്കെടുക്കാനെത്തിയ അക്ഷയ്‌ക്കെപ്പം വീരനും സ്റ്റേജില്‍ കയറിയത് വലിയ വാര്‍ത്തയായിരുന്നു. വെള്ളേപ്പം ആണ് അക്ഷയ്‌യുടെ ഏറ്റവും പുതിയ ചിത്രം. റോമ, നൂറിന്‍ ഷെരീഫ് എന്നിവരാണ് വെള്ളേപ്പത്തിലെ കേന്ദ്ര കഥാപാത്രങ്ങള്‍. ഷൈന്‍ ടോം ചാക്കോ, ശ്രീജിത്ത് രവി, കൈലാഷ് എന്നിവരാണ് മറ്റ് പ്രധാന താരങ്ങള്‍. നവാഗതനായ പ്രവീണ്‍ രാജ് പൂക്കാടനാണ് ചിത്രം സംവിധാനം ചെയ്യുന്നത്.