മലയാളത്തിൽ ഒരുകാലത്ത് പ്രേക്ഷകരുടെ മനം കവർന്ന കോംബോ ആയിരുന്നു കുഞ്ചാക്കോ ബോബൻ-ജയസൂര്യ കൂട്ടുകെട്ട്. ഇരുവരും ഒന്നിച്ചുള്ള ഒരുപിടി നല്ല സിനിമകൾ മലയാള സിനിമയിൽ ഉണ്ടായിട്ടുണ്ട്. മലയാളികളുടെ പ്രിയ കോംബോ വീണ്ടും ഒരുമിക്കുന്നുവെന്ന വാർത്തയാണ് താരങ്ങൾ പുതുതായി പങ്കുവയ്ക്കുന്നത്. പ്രൊഡ്യൂസറിനൊപ്പമുള്ള ചിത്രവും ഇരുവരും പങ്കുവച്ചിട്ടുണ്ട്.
- " class="align-text-top noRightClick twitterSection" data="
">
മുഴുനീള കോമഡി ചിത്രം ആണ് ഒരുങ്ങുന്നത് എന്നാണ് താരങ്ങൾ നൽകുന്ന സൂചന. ലിസ്റ്റിൻ സ്റ്റീഫൻ ആണ് ചിത്രം നിർമിക്കുന്നത്. സിനിമയുടെ പ്രഖ്യാപനം ഉടനുണ്ടാകും.
Also Read: മഞ്ഞ ഷർട്ടും ടൈനി പോണിയും; സോഷ്യൽമീഡിയ കീഴടക്കി മമ്മൂട്ടിയുടെ പുതിയ ചിത്രം
കുഞ്ചാക്കോ ബോബൻ നായകവേഷം കൈകാര്യം ചെയ്ത ദോസ്ത് എന്ന ചിത്രത്തിൽ ഒരു രംഗത്തിൽ ചെറിയ വേഷം അവതരിപ്പിച്ചാണ് ജയസൂര്യയുടെ സിനിമയിലേക്കുള്ള വരവ്. അവിടെ നിന്ന് ഇതുവരെ ഒരുപിടി നല്ല സിനിമകളിൽ ഇരുവരും ഒന്നിച്ച് ക്യാമറക്ക് മുന്നിലെത്തി. സ്വപ്നക്കൂട്, 101 വെഡ്ഡിങ്, ഗുലുമാൽ, ഷാജഹാനും പരീക്കുട്ടിയും തുടങ്ങി നിരവധി സിനിമകളിൽ ഇരുവരുടെയും കൂട്ടുകെട്ട് ഉണ്ടായിട്ടുണ്ട്.
