'പറുദീസ'യ്‌ക്ക്‌ ഇന്തൊനേഷ്യന്‍ വേര്‍ഷന്‍; ആടി പാടി ഇയ്യുസ്‌ ഡേസിയാന

Parudheesa Indonesian version: മമ്മൂട്ടി ചിത്രം 'ഭീഷ്‌മ പര്‍വ്വം' ഗാനം 'പറുദീസ'യുടെ ഇന്തൊനേഷ്യന്‍ പതിപ്പ്‌ പുറത്തിറങ്ങി. സംവിധായകന്‍ അമല്‍ നീരദ്‌ ആണ് സോഷ്യല്‍ മീഡിയയിലൂടെ വീഡിയോ ആരാധകര്‍ക്കായി പങ്കുവച്ചത്‌.

Parudheesa Indonesian version: മെഗാസ്‌റ്റാര്‍ മമ്മൂട്ടിയുടെ 'ഭീഷ്‌മ പര്‍വ്വ'ത്തിലെ ഹിറ്റ്‌ ഗാനമാണ് 'പറുദീസ'. 'പറുദീസ'യുടെ ഇന്തൊനേഷ്യന്‍ പതിപ്പ്‌ പുറത്തിറങ്ങി. സംവിധായകന്‍ അമല്‍ നീരദ്‌ ആണ് വീഡിയോ അദ്ദേഹത്തിന്‍റെ ഔദ്യോഗിക ഫേസ്‌ബുക്ക്‌ പേജില്‍ പങ്കുവച്ചത്‌.

Parudheesa Indonesian version by Euis Desyana: 'ഭീഷ്‌മ പര്‍വ്വ'ത്തെയും സുഷിന്‍ ശ്യാമിനെയും 'പറുദീസ' വീഡിയോ ഗാനത്തെയും മെന്‍ഷന്‍ ചെയ്‌തു കൊണ്ടാണ്‌ വീഡിയോ പുറത്തുവിട്ടിരിക്കുന്നത്‌. ഇയ്യുസ്‌ ഡേസിയാനയുടെ യൂട്യൂബ്‌ ചാനലിലൂടെയാണ് ഗാനം പുറത്തുവിട്ടിരിക്കുന്നത്‌. ഇന്തൊനേഷ്യന്‍ പതിപ്പാണെങ്കിലും ഇടയ്‌ക്ക്‌ മലയാളത്തിലെ വരികളും ഗാനത്തില്‍ ഉള്‍പ്പെടുത്തിയിട്ടുണ്ട്‌. ഇയ്യുസ്‌ ഡേസിയാനയും കൂട്ടരും ചേര്‍ന്നാണ്‌ ഗാനം ആലപിച്ചിരിക്കുന്നത്‌. ഗാനം മലയാള പ്രേക്ഷകര്‍ ഉള്‍പ്പെടെയുള്ളവര്‍ ഏറ്റെടുത്തിരിക്കുകയാണ്. വിനായക്‌ ശശികുമാറിന്‍റെ വരികള്‍ക്ക്‌ സുഷിന്‍ ശ്യാമിന്‍റെ സംഗീതത്തില്‍ ശ്രീനാഥ്‌ ഭാസിയാണ് പറുദീസയുടെ ഒറിജിനല്‍ പതിപ്പിന്‍റെ ഗാനാലാപനം.

• " class="align-text-top noRightClick twitterSection" data="">

Bheeshma Parvam Box Office collection: മികച്ച കലക്ഷനോടെ ഭീഷ്‌മ പര്‍വ്വം തിയേറ്ററുകളില്‍ മുന്നേറുകയാണ്. ആഗോളതലത്തില്‍ 75 കോടിക്ക്‌ മുകളിലാണ് ചിത്രത്തിന്‍റെ ബോക്‌ഓഫീസ്‌ കളക്ഷന്‍. 11 ദിവസങ്ങള്‍ കൊണ്ടാണ് ഈ നേട്ടം സ്വന്തമാക്കിയിരിക്കുന്നത്‌. കേരളത്തിലെ ബോക്‌സ്‌ഓഫീസില്‍ നിന്നും ചിത്രം നേടിയത്‌ 40 കോടിയാണ്. ട്രേഡ്‌ അനലിസ്‌റ്റ്‌ കൗശിക്‌ എല്‍.എം ആണ് ഇക്കാര്യം അറിയിച്ചിരിക്കുന്നത്‌. 'ലൂസിഫറി'നും 'കുറുപ്പി'നും ശേഷം മലയാളത്തില്‍ ഏറ്റവും വേഗത്തില്‍ 50 കോടി ക്ലബ്ബില്‍ ഇടം പിടിച്ച മൂന്നാമത്തെ ചിത്രമാണ് 'ഭീഷ്‌മ പര്‍വ്വം'.

Bheeshma Parvam screening: റിലീസ്‌ ചെയ്‌ത്‌ ആദ്യ ദിനം മൂന്ന്‌ കോടിക്ക്‌ മുകളില്‍ കലക്ഷന്‍ 'ഭീഷ്‌മ പര്‍വ്വം' നേടിയിരുന്നു. 406 സ്‌ക്രീനുകളിലായി 1775 ഷോകളാണ് റിലീസ്‌ ദിനത്തില്‍ ചിത്രത്തിന് ഉണ്ടായിരുന്നത്‌. ആക്ഷന്‍, പ്രണയം, ഡ്രാമ, ഫാമിലി സെന്‍റിമെന്‍റ്‌സ്‌ തുടങ്ങി എല്ലാ ചേരുവകളും അടങ്ങിയ കംപ്ലീറ്റ്‌ എന്‍റര്‍ടെയ്‌നര്‍ ആയിരുന്നു 'ഭീഷ്‌മ പര്‍വ്വം'.

Bheeshma Parvam records: മറ്റു ചില റെക്കോര്‍ഡുകളും ഭീഷ്‌മ പര്‍വ്വം സ്വന്തമാക്കിയിരുന്നു. ചിത്രത്തിന്‍റെ ഓസ്‌ട്രോലിയ-ന്യൂസീലന്‍ഡ്‌ രാജ്യങ്ങളിലെ റിലീസിന്‍റെ അവകാശം റെക്കോര്‍ഡ്‌ തുകയ്‌ക്കാണ് വിറ്റുപോയത്‌. ഒരു മലയാള സിനിമയ്‌ക്ക്‌ ഇതുവരെ ലഭിച്ചിട്ടുള്ളതില്‍ വച്ച്‌ ഏറ്റവും വലിയ കോപ്പി റൈറ്റ്‌ തുകയാണ് 'ഭീഷ്‌മ പര്‍വ്വ'ത്തിന് ലഭിച്ചതെന്ന്‌ അണിയറപ്രവര്‍ത്തകര്‍ പറയുന്നു.

'ഭീഷ്‌മ പര്‍വ്വം' മമ്മൂട്ടിയുടെ വന്‍ തിരിച്ചുവരവായിട്ടാണ് കണക്കാക്കപ്പെടുന്നത്‌. സമീപകാലത്ത്‌ മമ്മൂട്ടി ചിത്രത്തിന് ലഭിച്ച ഏറ്റവും വലിയ സ്വീകാര്യതയാണ്‌ 'ഭീഷ്‌മ പര്‍വ്വ'ത്തിന് ലഭിച്ചിരിക്കുന്നത്‌.