നടന്‍ അല്ലു സിരീഷ് നായകനാകുന്ന ആറാമത്തെ തെലുങ്ക് ചിത്രം വരുന്നു. ചിത്രത്തിന്‍റെ പ്രീലുക്ക് അണിയറപ്രവര്‍ത്തകര്‍ പുറത്തുവിട്ടു. ചിത്രത്തിന്‍റെ ഫസ്റ്റ്‌ലുക്കും ടൈറ്റിലും താരത്തിന്‍റെ പിറന്നാള്‍ ദിനമായ മെയ്‌ 30ന് റിലീസ് ചെയ്യും. ബാലതാരമായി മലയാളത്തില്‍ തിളങ്ങുകയും പിന്നീട് തമിഴിലും തെലുങ്കിലും നായികയായി നിരവധി സിനിമകളില്‍ അഭിനയിക്കുകയും ചെയ്‌ത അനു ഇമ്മാനുവലാണ് ചിത്രത്തില്‍ സിരീഷിന്‍റെ നായിക. നായകനും നായികയും ഒരു ചില്ലുജാലകത്തിന് മറുവശം കൈകോര്‍ത്ത് നില്‍ക്കുന്നതാണ് പ്രീലുക്ക് പോസ്റ്ററിലുള്ളത്. എന്നാല്‍ നായകന്‍റെയും നായികയുടെയും മുഖം വ്യക്തമല്ല. ഏറെ ആകാംഷയോടെ കാത്തിരിക്കുന്ന സിനിമ എന്നാണ് പ്രീ ലുക്ക് പങ്കുവെച്ച് അല്ലു സിരീഷ് കുറിച്ചത്.
-
Excited to be sharing the title & first look of #Sirish6 on May 30 (Sunday, 11am) @ItsAnuEmmanuel @GA2Official #rakeshsashii pic.twitter.com/4jOYadlxkx
— Allu Sirish (@AlluSirish) May 27, 2021 " class="align-text-top noRightClick twitterSection" data="
">Excited to be sharing the title & first look of #Sirish6 on May 30 (Sunday, 11am) @ItsAnuEmmanuel @GA2Official #rakeshsashii pic.twitter.com/4jOYadlxkx
— Allu Sirish (@AlluSirish) May 27, 2021Excited to be sharing the title & first look of #Sirish6 on May 30 (Sunday, 11am) @ItsAnuEmmanuel @GA2Official #rakeshsashii pic.twitter.com/4jOYadlxkx
— Allu Sirish (@AlluSirish) May 27, 2021
രാകേഷ് ശശിയാണ് സിനിമ സംവിധാനം ചെയ്യുന്നത്. താരത്തിന്‍റെ അച്ഛന്‍ അല്ലു അരവിന്ദിന്‍റെ നിര്‍മാണ കമ്പനിയാണ് സിനിമ നിര്‍മിക്കുന്നത്. അമേരിക്കന്‍ ബോണ്‍ കണ്‍ഫ്യൂസ്‌ഡ് ദേശി എന്ന ചിത്രമാണ് അവസാനമായി റിലീസ് ചെയ്‌ത അല്ലു സിരീഷ് ചിത്രം. സഹോദരന്‍ അല്ലു അര്‍ജുനെ പോലെ തന്നെ മലയാളത്തിനും സുപരിചിതനാണ് അല്ലു സിരീഷ്. മോഹന്‍ലാല്‍ ചിത്രം 1971 ബിയോണ്ട് ബോഡേര്‍സില്‍ ഒരു സുപ്രധാന കഥാപാത്രത്തെ അല്ലു സിരീഷ് അവതരിപ്പിച്ചിരുന്നു.
Also read: സഭ്യമല്ലാത്ത പ്രതികരണങ്ങള്‍ തള്ളുന്നു' ; പൃഥ്വിരാജിന് പിന്‍തുണയുമായി പ്രിയദര്‍ശന്‍
