Pushpa Srivalli song viral: തെന്നിന്ത്യന്‍ സൂപ്പര്‍ താരം അല്ലു അര്‍ജുന്‍റെ 'പുഷ്പ: ദ റൈസി'ലെ ശ്രീവല്ലി എന്ന സൂപ്പര്‍ ഹിറ്റ്‌ ഗാനമാണിപ്പോള്‍ സോഷ്യല്‍ മീഡിയയില്‍. കഴിഞ്ഞ രണ്ട്‌ ആഴ്‌ചകളിലായി ശ്രീവല്ലി ഗാനം ട്രെന്‍ഡിങിലാണ്. സെലിബ്രിറ്റികളും ആരാധകരും ഒന്നടങ്കം ഈ ഗാനത്തിലെ അല്ലുവിന്‍റെ ഹുക്ക്‌ സ്‌റ്റെപ്‌ ഏറ്റെടുത്തിരിക്കുകയാണ്.
Allu Arjun receives sweet welcome from daughter: അതേസമയം, 16 ദിവസങ്ങള്‍ക്ക്‌ ശേഷം ദുബായില്‍ നിന്നും വീട്ടിലേയ്‌ക്ക്‌ മടങ്ങിയെത്തിയിരിക്കുകയാണ് താരം. വീട്ടില്‍ തിരിച്ചെത്തിയ താരത്തിന്‌ മകള്‍ അര്‍ഹ ഊഷ്‌മളമായ വരവേല്‍പ്പാണ് നല്‍കിയത്‌.
16 ദിവസങ്ങള്‍ക്ക്‌ ശേഷമാണ് ദുബായില്‍ നിന്നും അല്ലു അര്ജുന് വീട്ടിലേയ്‌ക്ക്‌ മടങ്ങിയെത്തുന്നത്‌. വീട്ടിലെത്തിയ താരത്തെ മകള്‍ സ്വാഗതം ചെയ്യുന്ന ചിത്രം അല്ലു അര്ജുന് തന്‍റെ ഇന്‍സ്‌റ്റഗ്രാമില്‍ പങ്കുവച്ചിട്ടുണ്ട്‌.
വെല്‍ക്കം നാന എന്ന്‌ പൂക്കള്‍ കൊണ്ട്‌ മനോഹരമായി തറയില്‍ എഴുതിയാണ് മകള്‍ അല്ലുവിനെ വരവേറ്റത്‌. ഈ ചിത്രം അല്ലു അര്‍ജന്‍ തന്‍റെ ഇന്‍സ്‌റ്റഗ്രാം ഹാന്‍ഡിലില്‍ പങ്കുവയ്‌ക്കുകയായിരുന്നു. ഒപ്പം ഒരു കുറിപ്പും പങ്കുവച്ചിട്ടുണ്ട്‌. '16 ദിവസങ്ങള്‍ക്ക്‌ ശേഷമുള്ള മധുരമാര്‍ന്ന സ്വീകരണം.' ഒരു ഹാര്‍ട്ട്‌ ഇമോജിയും താരം പങ്കുവച്ചിട്ടുണ്ട്‌.
- " class="align-text-top noRightClick twitterSection" data="
">
സുകുമാര്‍ സംവിധാനം ചെയ്‌ത 'പുഷ്പ: ദ റൈസ്' എന്ന ചിത്രത്തിലാണ് അല്ലു അർജുൻ ഏറ്റവും ഒടുവിലായി അഭിനയിച്ചത്. ആഗോള ബോക്സോഫീസിനെ പിടിച്ചുലച്ചു കൊണ്ടാണ്‌ ഡിസംബർ 17ന് ചിത്രം ലോകമെമ്പാടുമുള്ള തിയേറ്ററുകളിലെത്തിയത്‌.
Pushpa The Rule release: 'പുഷ്പ : ദി റൈസി'ന് ശേഷം, ചിത്രത്തിന്‍റെ രണ്ടാം ഭാഗത്തിന്‍റെ ഷൂട്ടിംഗ്‌ പുനരാരംഭിക്കാനുള്ള തിരക്കിലാണിപ്പോള്‍ താരവും അണിയറപ്രവര്‍ത്തകരും. 'പുഷ്പ: ദ റൂള്‍' മാര്‍ച്ചില്‍ ഷൂട്ടിംങ്‌ ആരംഭിക്കുമെന്നാണ് റിപ്പോര്‍ട്ടുകള്‍. 2022 ഡിസംബറില്‍ ചിത്രം റിലീസ്‌ ചെയ്യാനാണ് അണിയറപ്രവര്‍ത്തകര്‍ നിശ്ചയിച്ചിരിക്കുന്നത്‌.
Allu Arjun upcoming movies:'പുഷ്പ'യെ കൂടാതെ മറ്റ്‌ രണ്ട്‌ പ്രോജക്‌ടുകള്‍ കൂടി അല്ലു അര്‍ജുന്‍റേതായി അണിയറയില്‍ ഒരുങ്ങുന്നുണ്ട്‌. വേണു ശ്രീറാമിനൊപ്പമുള്ളൊരു ചിത്രം, കൊരട്ടാല ശിവയ്‌ക്കൊപ്പം ഒരു റിവഞ്ച്‌ ത്രില്ലര്‍ എന്നിവയാണ്‌ അല്ലുവിന്‍റെ വരാനിരിക്കുന്ന മറ്റ്‌ ചിത്രങ്ങള്‍. എ ആർ മുരുകദോസ്, പ്രശാന്ത് നീൽ, ബോയപതി ശ്രീനു എന്നിവരുമായും അല്ലു അര്ജുന് ചർച്ചകൾ നടത്തുന്നുണ്ട്.
Also Read: പിങ്ക്‌ സാരിയില്‍ തിളങ്ങി പഞ്ചാബിലെ കത്രീന! ഈ തിളക്കം വിലയിലും ഉണ്ട്‌..
