ഒരു വര്‍ഷത്തിന് ശേഷം തന്‍റെ രണ്ടാമത്തെ മകള്‍ മഹാലക്ഷ്മിയുടെ ചിത്രം ആരാധകര്‍ക്കായി പങ്കുവെച്ചിരിക്കുകയാണ് നടന്‍ ദിലീപ്. കഴിഞ്ഞവര്‍ഷം ഒക്ടോബര്‍ 19നാണ് ദിലീപ്-കാവ്യ ദമ്പതികള്‍ക്ക് പെണ്‍കുഞ്ഞ് ജനിച്ചത്. വിജയദശമി ദിനത്തില്‍ പിറന്ന മകള്‍ക്ക് അതുകൊണ്ട് തന്നെ മഹാലക്ഷ്മിയെന്ന് താരദമ്പതികള്‍ പേരുനല്‍കി. ഒന്നാം പിറന്നാള്‍ ആഘോഷവേളയില്‍ മുത്തശ്ശിയുടെ മടിയില്‍ ഇരിക്കുന്ന മഹാലക്ഷ്മിയുടെ ചിത്രമാണ് ദിലീപ് പങ്കുവെച്ചിരിക്കുന്നത്. ഒപ്പം ദിലീപും കാവ്യയും മൂത്തമകള്‍ മീനാക്ഷിയുമുണ്ട്. മീനാക്ഷിയ്ക്ക് കൂട്ടായി കുഞ്ഞനിയത്തി ജനിച്ച വിവരം സമൂഹ മാധ്യമങ്ങളിലൂടെ ദിലീപ് തന്നെയാണ് കഴിഞ്ഞ വര്‍ഷം ആരാധകരെ അറിയിച്ചത്. എന്നാൽ ഇത്ര കാലത്തിനിടെ മഹാലക്ഷ്മിയുടെ ഒരു ചിത്രം പോലും താരദമ്പതികൾ പുറത്തുവിട്ടിരുന്നില്ല. താരം പങ്കുവെച്ച ഫോട്ടോ ഏറ്റെടുത്തിരിക്കുകയാണ് ആരാധകര്‍.
- " class="align-text-top noRightClick twitterSection" data="">
