ന്യൂഡൽഹി : ബോളിവുഡ് നടനും ഗായകനും സംവിധായകനുമായ ഫർഹാൻ അക്തറിന് ഇന്ന് 48-ാം ജന്മദിനം. സഹോദരന്‍റെ പിറന്നാൾ ദിനത്തിൽ സ്നേഹസമ്മാനം നൽകിയിരിക്കുകയാണ് സംവിധായികയും നിർമാതാവുമായ സോയ അക്തർ. ഇരുവരും സംഭാഷണത്തിലേർപ്പെട്ടിരിക്കുന്ന ബ്ലാക്ക് ആൻഡ് വൈറ്റ് ചിത്രം സോഷ്യൽ മീഡിയയിൽ പങ്കുവച്ചുകൊണ്ടാണ് സോയ തന്‍റെ അനുജന് പിറന്നാൾ ആശംസകൾ അറിയിച്ചിരിക്കുന്നത്.
'ഞാൻ പറയുന്നത് കേൾക്കൂ, ഇത് നിന്‍റെ ജീവിതത്തിലെ ഏറ്റവും മികച്ച വർഷമായിരിക്കും' എന്ന കുറിപ്പോട് കൂടി ഇൻസ്റ്റഗ്രാമിൽ പങ്കുവച്ച ചിത്രം ആരാധകർ ഇതിനോടകം ഏറ്റെടുത്തുകഴിഞ്ഞു. ഫർഹാന് ജന്മദിനാശംസകൾ നേർന്നുകൊണ്ട് നിരവധി താരങ്ങളും ആരാധകരും ചിത്രത്തിന് താഴെ കമന്‍റ് ചെയ്തിട്ടുണ്ട്.
- " class="align-text-top noRightClick twitterSection" data="
">
ALSO READ: Mammootty with college friends: 'ഇതില്‍ ആരുടെ മകനാണ് മമ്മൂട്ടി?' കോളജ്‌ സുഹൃത്തുക്കള്‍ക്കൊപ്പം താരം
ദിൽ ധഡക്‌നേ ദോ, സിന്ദഗി നാ മിലേഗി ദൊബാര, ലക്ക് ബൈ ചാൻസ് തുടങ്ങി നിരവധി ഹിറ്റ് ചിത്രങ്ങളിൽ ഇരുവരും ഒന്നിച്ച് പ്രവർത്തിച്ചിട്ടുണ്ട്. പ്രിയങ്ക ചോപ്ര, ആലിയ ഭട്ട്, കത്രീന കൈഫ് എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന റോഡ് ട്രിപ്പ് മൂവിയായ 'ജീ ലെ സരാ' ആണ് ഇരുവരും ഒന്നിക്കുന്ന ഏറ്റവും പുതിയ ചിത്രം.
ദിൽ ചാഹ്താ ഹേ, ലക്ഷ്യ, ഡോൺ സീരീസ് മുതലായ ഹിറ്റ് ചിത്രങ്ങൾക്ക് ശേഷം ഫർഹാൻ വീണ്ടും സംവിധായക വേഷമണിയുന്ന ചിത്രം കൂടിയാണിതെന്ന പ്രത്യേകതയുമുണ്ട്. കൂടാതെ സോയ, റീമ കഗ്‌തി എന്നിവർക്കൊപ്പം ചിത്രത്തിന്‍റെ തിരക്കഥ എഴുതിയിരിക്കുന്നതും താരമാണ്.
ചിത്രം ഈ വർഷം തിയേറ്ററുകളിലെത്തും. നിർമാതാവ്, ടെലിവിഷൻ അവതാരകൻ എന്നീ നിലയിലും ഫര്‍ഹാന്‍ ഏറെ തിളങ്ങിയിട്ടുണ്ട്.
