Suresh Gopi's Action thriller Kaaval : സുരേഷ്‌ ഗോപിയുടെ ആക്ഷന്‍ ത്രില്ലര്‍ ചിത്രം 'കാവല്‍' തിയേറ്ററുകളില്‍ വിജയകരമായി മുന്നേറുകയാണ്. ഒരിടവേളയ്‌ക്ക് ശേഷം തിയേറ്ററിലെത്തിയ സുരേഷ്‌ ഗോപി ചിത്രത്തെ ആരാധകര്‍ ഇരുകരങ്ങളും നീട്ടി സ്വീകരിച്ചിരിക്കുകയാണ്.
Suresh Gopi's facebook post on Kaaval : ഈ സാഹചര്യത്തില്‍ പ്രിയ പ്രേക്ഷകരോട്‌ നന്ദി പറഞ്ഞ് രംഗത്തെത്തിയിരിക്കുകയാണ് നടന്‍. ഫേസ്‌ബുക്കിലൂടെയാണ് പ്രതികരണം. 'നന്ദി!! തിയേറ്ററുകള്‍ക്ക് കാവലായതിന്.. നമ്മുടെ സിനിമയ്‌ക്ക് കാവലായതിന്.. എനിക്ക് കാവലായതിന്..' - സുരേഷ്‌ ഗോപി കുറിച്ചു.
തിരിച്ചുവരവ് കൂടിയായ 'കാവലി'ല്‍ കരുത്തുറ്റ പ്രകടനമാണ് താരം കാഴ്‌ചവെച്ചിരിക്കുന്നത് എന്നാണ് ആരാധകരുടെ പ്രതികരണം . ഒരു പ്രതികാര കഥ പറയുന്ന ചിത്രത്തില്‍ 'തമ്പാന്‍' എന്ന കഥാപാത്രത്തെയാണ് അദ്ദേഹം അവതരിപ്പിക്കുന്നത്. താരത്തിന്‍റെ തീപ്പൊരി ഡയലോഗുകളും, ആക്ഷന്‍ രംഗങ്ങളും കൊണ്ട് സമ്പന്നമാണ് 'കാവല്‍'.
- " class="align-text-top noRightClick twitterSection" data="">
Suresh Gopi with Renji Panicker : ചെറുപ്പവും പ്രായമേറിയതുമായ കാലയളവുകളുണ്ട് ചിത്രത്തില്‍ സുരേഷ്‌ ഗോപിക്ക്. ഉറ്റ സുഹൃത്തായി രണ്‍ജി പണിക്കരും എത്തുന്നു.
Renji Panicker with Nithin Renji Panicker : തിരക്കഥാകൃത്തും നടനുമായ രണ്‍ജി പണിക്കരുടെ മകനാണ് നിഥിന്‍ രണ്‍ജി പണിക്കര്‍. മമ്മൂട്ടിയെ നായകനാക്കി ഒരുക്കിയ 'കസബ' ആണ് നിഥിന്‍റെ ആദ്യ സംവിധാന സംരംഭം.
നിഥിന്‍ രണ്‍ജി പണിക്കര്‍ ആണ് തിരക്കഥയും സംവിധാനവും നിര്‍വഹിച്ചിരിക്കുന്നത്. നിഥിന്‍റെ രണ്ടാമത്തെ ചിത്രം കൂടിയാണ് കാവല്‍. സുരേഷ്‌ ഗോപിയുടെ ബ്ലോക്‌ബസ്‌റ്റര്‍ ചിത്രം 'ലേല' ത്തിന്‍റെ രണ്ടാം ഭാഗമായ 'ലേലം 2' ഒരുക്കുന്നതും നിഥിന്‍ രണ്‍ജി പണിക്കരാണ്.
Kaaval cast and crew : ഗുഡ്‌വില്‍ എന്‍റര്‍ടെയ്‌ന്‍മെന്‍റ്‌സിന്‍റെ ബാനറില്‍ ജോബി ജോര്‍ജാണ് നിര്‍മ്മാണം. നിഖില്‍ എസ് പ്രവീണ്‍ ആണ് ഛായാഗ്രഹണം. മണ്‍സൂര്‍ മുത്തുറ്റി എഡിറ്റിങും പ്രദീപ് രംഗന്‍ മേക്കപ്പും നിസാര്‍ റഹ്മത്ത് കോസ്‌റ്റ്യൂമും ദിലീപ് നാഥ് കലാ സംവിധാനവും നിര്‍വഹിച്ചിരിക്കുന്നു. കേരളത്തില്‍ മാത്രം 220 തിയേറ്ററുകളിലായി നവംബര്‍ 25നാണ് ചിത്രം പ്രദര്‍ശനത്തിനെത്തിയത്.
