ഹൃത്വിക് റോഷന്‍ പ്രധാനവേഷത്തില്‍ എത്തുന്ന 'സൂപ്പര്‍ 30' യുടെ റിലീസ് മാറ്റിവച്ചു. കങ്കണ റണാവത്തിന്റെ 'മെന്റല് ഹേ ക്യാ' എന്ന ചിത്രം പ്രദർശനത്തിനെത്തുന്ന അതേ ദിവസമാണ് സൂപ്പർ 30യുടെയും റിലീസ് നിശ്ചയിച്ചിരുന്നത്. ഇരു ചിത്രങ്ങളും ബോക്‌സ് ഓഫീസില്‍ ഏറ്റുമുട്ടുന്നത് വലിയ വാര്‍ത്താ പ്രധാന്യം നേടിയിരുന്നു. എന്നാല്‍ രണ്ട് സിനിമകള്‍ ബോക്‌സ് ഓഫീസില്‍ ഏറ്റുമുട്ടുന്നത് വ്യക്തിപരമായ പ്രശ്‌നങ്ങളിലേക്ക് വലിച്ചിഴക്കപ്പെട്ട സാഹചര്യത്തിലാണ് ഹൃത്വിക് ചിത്രത്തിന്റെ റിലീസ് മാറ്റാൻ അണിയറപ്രവർത്തകരോട് ആവശ്യപ്പെട്ടത്.
'എന്റെ സിനിമയെ മാധ്യമങ്ങളുടെ സര്‍ക്കസിന് വിട്ട് കൊടുക്കാന്‍ താല്‍പര്യമില്ല. അതിനാല്‍ ചിത്രത്തിന്റെ റിലീസ് മാറ്റി വച്ച വിവരം ഞാന്‍ അറിയിക്കുന്നു. എന്നെ മാനസിക പ്രശ്‌നങ്ങളിലേക്ക് തള്ളി വിടാന്‍ താല്‍പര്യമില്ല. സിനിമ തയ്യാറായിട്ടും ചിത്രത്തിന്റെ നിര്‍മ്മാതാക്കളോട് ഞാന്‍ റിലീസ് നീട്ടിവക്കാന്‍ ആവശ്യപ്പെടുകയായിരുന്നു. ജനങ്ങള്‍ കാര്യങ്ങള്‍ തിരിച്ചറിയുമെന്ന പ്രതീക്ഷയോടെ ക്ഷമയോടെ ഞാന്‍ കാത്തിരിക്കുകയാണ്', ഹൃത്വിക് ട്വീറ്റ് ചെയ്തു. അതേ സമയം ഹൃത്വിക് എന്തിനാണ് ഇങ്ങനെയൊരു തീരുമാനം എടുത്തതെന്ന് അറിയില്ലെന്നും തന്‍റെ ചിത്രത്തിന് സോളൊ റിലീസ് ലഭിക്കുന്നതില്‍ സന്തോഷമുണ്ടെന്നും കങ്കണ പ്രതികരിച്ചു.
- " class="align-text-top noRightClick twitterSection" data="">
ബോളിവുഡ് താരങ്ങളായ ഹൃത്വിക് റോഷനും കങ്കണ റണാവത്തും തമ്മിലുള്ള പ്രശ്നം തുടങ്ങിയിട്ട് വർഷങ്ങളായി. താനുമായി ഹൃത്വികിന് പ്രണയ ബന്ധമുണ്ടായിരുന്നുവെന്നും എന്നാല്‍ പിന്നീട് വഞ്ചിക്കുകയായിരുന്നുവെന്നും കങ്കണ പറഞ്ഞിടത്തായിരുന്നു വിവാദങ്ങളുടെ തുടക്കം.
