ബോളിവുഡ് സൂപ്പർ താരം സൽമാൻ ഖാന്‍റെ ദബാങ്- ദ് ടൂർ റീലോഡഡ് എന്നും നല്ല വാർത്തകളാൽ തലക്കെട്ടുകളിൽ ഇടംപിടിക്കാറുണ്ടായിരുന്നു. എന്നാൽ ദുബായിൽ നടന്ന പരിപാടി താരത്തിന്‍റെ ആരാധകരെ ചൊടിപ്പിച്ചിരിക്കുകയാണ്. സമൂഹ മാധ്യമങ്ങളിൽ പ്രചരിക്കുന്ന പരിപാടിയിൽ നിന്നുള്ള ദൃശ്യങ്ങളാണ് ആരാധകർക്കിടയിൽ ഭിന്നാഭിപ്രായത്തിന് ഇടയാക്കിയത്.
- " class="align-text-top noRightClick twitterSection" data="
">
ജാക്വലിൻ ഫെർണാണ്ടസും സൽമാൻ ഖാനും ഒരുമിച്ച് അഭിനയിച്ച ജുമ്മേ കീ രാത് എന്ന ഗാനം പൂജ ഹെഗ്‌ഡെക്കൊപ്പം താരം വേദിയിൽ അവതരിപ്പിച്ചു. യഥാർഥ ഗാനത്തിൽ ജാക്വലീന്‍റെ കോട്ട് പല്ല് കൊണ്ട് സൽമാൻ ഖാൻ ഉയർത്തുന്ന ദൃശ്യങ്ങൾ ഉണ്ടായിരുന്നു. ദുബായിൽ പൂജ ഹെഗ്‌ഡെക്കൊപ്പം ആ ദൃശ്യങ്ങൾ പുനരവതരിപ്പിക്കാൻ സൽമാൻ ഖാൻ ശ്രമിച്ചെങ്കിലും പരാജയപ്പെടുന്ന ദൃശ്യങ്ങളാണ് സമൂഹ മാധ്യമങ്ങളിൽ പ്രചരിക്കുന്നത്.
ശ്രമം പരാജയപ്പെട്ടിട്ടും നിർത്താതെ കോട്ട് ഉയർത്താൻ ശ്രമിക്കുന്ന സൽമാൻ ഖാൻ സമൂഹ മാധ്യമങ്ങളിൽ വലിയ രീതിയിലുള്ള ട്രോളുകളാണ് ഏറ്റുവാങ്ങുന്നത്. ദുബായ് ഡ്യൂട്ടി ഫ്രീ ടെന്നീസ് സ്റ്റേഡിയത്തിൽ നടന്ന പര്യടനത്തിൽ സൊനാക്ഷി സിൻഹ, ദിഷ പടാനി, ആയുഷ് ശർമ്മ, ഗുരു രൺധാവ, സായി മഞ്ജരേക്കർ, കമാൽ ഖാൻ, മനീഷ് പോൾ എന്നിവരും സൽമാൻ ഖാനൊപ്പം ഉണ്ടായിരുന്നു.
പൂജയും സൽമാനും ഒന്നിക്കുന്ന ചിത്രമാണ് വരാനിരിക്കുന്ന ചിത്രമായ കഭി ഈദ് കഭി ദിവാലി. കത്രീന കൈഫിനൊപ്പം അഭിനയിക്കുന്ന ടൈഗർ 3, കിക്ക് 2, ബജ്‌രംഗി ഭായ്‌ജാൻ 2 എന്നിവയാണ് സൽമാൻ ഖാന്‍റെ അണിയറയിൽ ഒരുങ്ങുന്ന മറ്റ് ചിത്രങ്ങൾ.
Also Read: 41-ാം ജന്മദിനം ആഘോഷമാക്കി ഷാഹിദ് കപൂർ... കാണാം ചിത്രങ്ങൾ
